पाळी अनियमित येतेय? जाणून घ्या कारणं आणि सोपे उपाय!

महिनावारी वेळेवर न येणं हे अनेक स्त्रियांचं कॉमन प्रॉब्लेम आहे. यामागे काही प्रमुख कारणं असू शकतात जाणून घ्या..

पाळी

अनेक महिलांना महिनावारी वेळेवर न येणं ही समस्या भेडसावते.

पाळी नियमितपणे न येण्यामागे ताणतणाव, असंतुलित आहार, वजनातील अचानक बदल, हार्मोन्समध्ये बिघाड, PCOS किंवा थायरॉईड यांसारख्या समस्या कारणीभूत असू शकतात.

स्ट्रेसमुळे मेंदूतून होणाऱ्या हार्मोनल सिग्नल्सवर परिणाम होतो, ज्यामुळे ओव्ह्युलेशन आणि पाळीचं सायकल विस्कळीत होतं.

पौष्टिकतेची कमतरता किंवा जास्त फॅट आणि जंक फूड खाल्ल्यामुळे शरीरात गरजेचे व्हिटॅमिन्स व मिनरल्स कमी पडतात.

अचानक वजन वाढणं किंवा कमी होणं हेही हार्मोन्समध्ये असंतुलन निर्माण करतं. PCOS मुळे पाळी उशिरा येते किंवा कधी येतच नाही.

थायरॉईडची समस्या असेल तरीही मासिक पाळीवर परिणाम होऊ शकतो. उपाय म्हणून संतुलित आहार घेणं, हिरव्या भाज्या, प्रोटीन आणि हायड्रेशनवर लक्ष देणं गरजेचं आहे.

नियमित व्यायाम, योगा आणि मेडिटेशनमुळे ताणतणाव कमी होतो.

शरीराचं वजन संतुलित ठेवणं आणि पाळी २ महिन्यांपेक्षा जास्त उशिरा येत असल्यास त्वरित स्त्रीरोगतज्ज्ञांचा सल्ला घेणं आवश्यक आहे.

वेळेवर निदान आणि उपचार केल्यास ही समस्या सहज नियंत्रणात आणता येते. (टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )