Thyroid Symtomps : थायरॉईडमुळे शरीरात 'हा' त्रास जाणवतो? नेमकं कारण जाणून घ्या!

Thyroid Symtomps : थायरॉईड बिघडल्यास शरीरात अनेक प्रकारचे त्रास जाणवू लागतात. यासाठी वेळीच काळजी घ्या.

Thyroid Symtomps

थायरॉईड ही शरीरातील एक महत्त्वाची ग्रंथी आहे जी हार्मोन्स आणि मेटाबॉलिझम नियंत्रित करण्यास मदत करते.

पण जेव्हा या ग्रंथीचं संतुलन बिघडतं, तेव्हा शरीरात अनेक प्रकारचे त्रास जाणवू लागतात.

थायरॉईडच्या समस्येमुळे फक्त वजन वाढणे किंवा मूड स्विंग्स होणे इतकंच नाही तर, मांसपेशींमध्ये दुखणे, सांध्यांमध्ये कडकपणा जाणवणे किंवा गळ्यात वेदना जाणवू लागतात.

कधी कधी या वेदना जबड्यात किंवा कानापर्यंत पसरू शकतात. थायरॉईडचं संतुलन बिघडल्यास मांसपेशी कमकुवत होऊ शकतात आणि थकवा जाणवू शकतो.

हायपोथायरॉईडिझममध्ये मांसपेशी कठीण आणि दुखर्‍या वाटतात.

Continues below advertisement

थायरॉईडच्या त्रासामुळे पाठ, छाती किंवा खांद्यांमध्येही वेदना होऊ शकतात. छातीतील वेदना गंभीर असतात, म्हणून अशा वेळी डॉक्टरांचा सल्ला घेणं आवश्यक आहे.

थायरॉईडची समस्या ओळखण्यासाठी वजनातील बदल, मूड स्विंग्स, भूक कमी-जास्त होणे आणि गळ्यात सूज यांसारख्या लक्षणांकडे लक्ष देण गरजेचं आहे.

रक्तातील TSH, T3 आणि T4 या चाचण्यांद्वारे थायरॉईडची स्थिती ओळखता येते.

थायरॉईडशी संबंधित वेदना कमी करण्यासाठी केवळ औषधोपचार पुरेसे नाहीत, तर योग्य आहार, नियमित व्यायाम आणि जीवनशैलीत बदल गरजेचा असतो.

जर तुम्ही वेळीच उपचार घेतल्यास वेदना कमी होऊ शकतात आणि आरोग्याची गुणवत्ता सुधारु शकते.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).