Benefits of Herbal Drinks : शुगर लेव्हल वाढतेय? आहारात 'या' 3 ड्रिंक्सचा समावेश करा आणि फायदे जाणून घ्या

अनेक लोकांची शुगर लेव्हल वाढते. मधुमेही किंवा जोधपण असलेल्या लोकांसाठी मेथीचे पाणी, कारले आणि दालचिनीचे हर्बल ड्रिंक शुगर नियंत्रित ठेवतात आणि तयार करायला सोपे आहेत.

Herbal Drinks For Sugar Resistence

आजकाल शुगर लेव्हलचं प्रमाण झपाट्याने वाढतंय. त्यामुळे आरोग्याला त्रास तर होतोच पण तो धोकादायकही ठरतो. म्हणूनच साखर नियंत्रणात ठेवणं खूप महत्त्वाचं आहे.

अशा वेळी मधुमेहाच्या रुग्णांनी काही हर्बल ड्रिंक्सचा आहारात समावेश केल्यास साखरेची पातळी नियंत्रणात राहण्यास मदत होते.

या ड्रिंक्समुळे इन्सुलिन चांगले काम करते आणि शुगर लेव्हल वाढत नाही. चला जाणून घेऊयात हर्बल ड्रिंक बनवण्याची पद्धत आणि त्याचे फायदे.

मेथीचे पाणी साखर नियंत्रणात ठेवण्यास मदत करते. हे मधुमेह असलेल्या आणि मधुमेह होण्याची शक्यता असलेल्या लोकांसाठी फायदेशीर आहे.

मेथीचे औषधी गुणधर्म फार प्रसिद्ध आहेत. मेथीचे पाणी इन्सुलिनचे काम सुधारते आणि जेवणानंतर शुगर लेव्हल वाढू देत नाही.

Continues below advertisement

हर्बल ड्रिंक बनवणं खूप सोपं आहे. यासाठी 1 ते 2 चमचे मेथीचे दाणे रात्रभर पाण्यात भिजवा. सकाळी ते गाळून रिकाम्या पोटी प्या.

कारल्याचा रसदेखील आरोग्यासाठी चांगला आहे. यासाठी कारल्याचे छोटे तुकडे करून त्यात पाणी घालून मिक्सरमध्ये मिक्स करा. यात थोडे मीठ किंवा लिंबू घाला. नंतर गाळून रिकाम्या पोटी प्या.

जेवणानंतर दालचिनीचा चहा प्यायल्यानेही रक्तातील साखर कमी होते. दालचिनी इन्सुलिनसारखे काम करते आणि साखर नियंत्रित ठेवते.

1–2 दालचिनीच्या काड्या उकळत्या पाण्यात ठेवा. काही मिनिटांनी ते गाळून घ्या आणि जेवणानंतर प्या. यामुळे साखर नियंत्रणात ठेवण्यास मदत होते.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )