Quick Recipe of Jackfruit : फणसापासून बनवा घरच्या घरी लोणचं, चिप्स आणि भाजी, जाणून घ्या रेसिपी

फणस हा चवीचा खजिना आहे परंतु, फणसापासून या तीन सोप्या आणि स्वादिष्ट रेसिपी लोणचं, चिप्स आणि भाजी घरच्या घरी तयार करा काही मिनिटांत. हे तुमच्या आरोग्यासाठी देखील फायदेशीर आहे.

Jackfruit Recipe : फणस हा चवीचा खजिना आहे परंतु, फणसापासून या तीन सोप्या आणि स्वादिष्ट रेसिपी लोणचं, चिप्स आणि भाजी घरच्या घरी तयार करा काही मिनिटांत. हे तुमच्या आरोग्यासाठी देखील फायदेशीर आहे. (Photo Credit : Pinterest )

जर तुम्ही रोजच्या जेवणाला कंटाळले असाल आणि तुम्हाला काहीतरी नवीन खायची इच्छा असेल, तर फणसापासून बनवा हे घरच्या घरी हे स्वादिष्ट पदार्थ .

तुम्हाला माहित असेलच, फणस चविष्ठ तर असतंच पण ते, तुमच्या आरोग्यासाठी देखील फायदेशीर मानलं जातं. फणसापासून तुम्ही लोणचं, चिप्स आणि भाजी या तीन गोष्टी अगदी सोप्या पद्धतीने तुम्ही घरच्या घरी बनवू शकता.

फणसाच्या लोणच्यासाठी सर्वप्रथम फणसाचे छोटे छोटे तुकडे करा आणि एका कढईत मोहरीचं तेल गरम करून त्यात मेथी, राई, जिरा आणि थोडी बडीशेप टाका आणि तडका द्या. आता त्यात लाल तिखट, हळद, धनेपूड, आणि गरम मसाला घालून नीट परतून घ्या.

त्यात फणसाचे तुकडे आणि चवीपुरतं मीठ घाला. 10–15 मिनिटं मंद आचेवर शिजवा.शेवटी त्यात थोडा लिंबाचा रस टाका आणि स्वच्छ काचेच्या बरणीत भरून ठेवा. हे लोणचं एक आठवडा टिकतं आणि खूप चविष्ट लागतं.

फणसाच्या चिप्स साठी तुम्ही फणस धुवून त्याचे पातळ स्लाईस करा आणि एका कढईत तेल गरम करून ते स्लाईस तळा.

Continues below advertisement

त्या फणसाच्या स्लाइसला सोनेरी रंग आला की बाहेर काढून त्यात चवीपुरतं मीठ आणि लाल तिखट टाकून हे कुरकुरीत चिप्स तुम्ही चहा बरोबर खाऊ शकता.

फणसाच्या भाजीसाठी कच्चा फणस घ्या त्याचे छोटे छोटे तुकडे करा आणि एका कढईत तेल गरम करून त्यात राई, जिरे, मेथी टाका त्यानंतर हिरवी मिरची, आले-लसूण पेस्ट आणि कांदा घालून परतून घ्या.

कांदा सोनेरी झाला की त्यात हळद, लाल तिखट, धनेपूड, आणि गरम मसाला घाला. मग फणसाचे तुकडे, मीठ आणि थोडं पाणी घालून मिक्स करा. 10–15 मिनिटं मंद आचेवर शिजवा.

तुमच्या रोजच्या जेवणात बदल हवा असेल, तर फणसाच्या या रेसिपी नक्की करून बघा. फणस चविष्ट आणि तुमच्या आरोग्यासाठी फायदेशीर आहे त्यापासून बनवलेले लोणचं, चिप्स आणि भाजी हे तिन्ही पदार्थ तुम्ही घरच्या घरी सोप्या पद्धतीने तयार करू शकता.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)