Teeth Cleaning: दात पिवळे दिसतात? लोकांसमोर तोंड उघडायला लाज वाटते? मग मोत्यांसारखे चमकदार दात कसे मिळणार? जाणून घ्या...

Teeth Cleaning: जर दात पिवळसर झाले, तर लोकांसमोर मोकळेपणाने हसणंही कठीण होऊन जातं. पण तुम्हाला माहिती आहे का – घरातल्या काही साध्या वस्तूंच्या मदतीने दात स्वच्छ करून त्यांना पुन्हा चमकदार बनवता येईल

Teeth Cleaning(Pic credit: Unsplash)

आजच्या बदलत्या जीवनशैलीत, चुकीच्या खाण्याच्या सवयींमुळे आणि दातांची योग्य प्रकारे स्वच्छता न केल्यामुळे दात पिवळे होणं ही एक सामान्य गोष्ट झाली आहे.

दातांची स्वच्छता फक्त बाहेरूनच नव्हे तर आतूनही होणं गरजेचं आहे. पण सगळ्यात आधी महत्त्वाचं म्हणजे दररोज दोन वेळा ब्रश करण्याची सवय लावणं — एकदा सकाळी उठल्यावर आणि दुसऱ्यांदा रात्री झोपण्यापूर्वी.

दात पांढरे व चमकदार बनवण्यासाठी बेकिंग सोडा व लिंबाचा पेस्ट वापरू शकता. चिमूटभर बेकिंग सोडा व थोडेसे लिंबू मिक्स करून पेस्ट तयार करा. ही पेस्ट ब्रशने दातांवर हलक्या हाताने 2-3 मिनिटं चोळा आणि साध्या पाण्याने धुवा. हा उपाय अधूनमधूनच करा, कारण याचा जास्त वापर इनॅमलला नुकसान करू शकतो.

पीळसरपणा कमी करण्यासाठी मीठही चांगला पर्याय आहे.आठवड्यात 2-3 वेळा थोड्या प्रमाणात मीठ घेऊन दात साफ केल्यास काही दिवसांत फायदा दिसतो. यामुळे पिवळसरपणा कमी होतो आणि तोंडातील वासही कमी होतो.

शेवटी एक गोष्ट नक्की लक्षात ठेवा दातांची काळजी घेणं हे काही एका दिवसाचं काम नाही दातांची रोज स्वच्छता गरजेची आहे आणि जर यामध्ये आयुर्वेद व घरगुती उपायांचा वापर केला, तर त्याचा फायदा दुप्पट होऊ शकतो.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )