Mental Illness Risk : पाळीव मांजरी तुमच्या मानसिक आरोग्यासाठी धोकादायक? जाणून घ्या नवा निष्कर्ष!

Mental Illness Risk : नव्या अभ्यासानुसार, अनुवंश आणि मेंदूतील बदलांसोबतच पाळीव मांजरींचा संपर्कही स्किझोफ्रेनियाचा धोका वाढवू शकतो असा संकेत मिळतो.

Mental Illness Risk

स्किझोफ्रेनिया हा असा मानसिक त्रास आहे ज्यामुळे व्यक्तीची विचार करण्याची पद्धत, भावना समजणे आणि वास्तव ओळखणे यावर मोठा परिणाम होतो.

या आजारात लोकांना खरे नसलेले आवाज ऐकू येणे, चुकीच्या कल्पना मनात येणे आणि वागणूक अचानक बदलणे असे त्रास जाणवू शकतात.

शास्त्रज्ञांचे मत आहे की हा विकार एका कारणामुळे नसून अनुवंश, वातावरण आणि मेंदूतील रसायनांमध्ये होणारे बदल यामुळे एकत्रितपणे विकसित होतो.

ज्यांच्या कुटुंबात आधीपासून मानसिक विकार असतात, त्यांना हा आजार होण्याची शक्यता इतरांपेक्षा जास्त असते.

मेंदूमध्ये डोपामाइनसारख्या रसायनांचे संतुलन बिघडले, तर विचार, भावना आणि निर्णय घेण्याची क्षमता कमकुवत होऊ शकते.

Continues below advertisement

अलीकडील ऑस्ट्रेलियन अभ्यासात असे दिसून आले की पाळीव मांजरींसोबत सतत राहणाऱ्या लोकांना स्किझोफ्रेनियासारखे विकार होण्याचा धोका वाढू शकतो.

मांजरींच्या विष्ठेत आढळणारा टॉक्सोप्लाझ्मा गोंडी हा परजीवी शरीरात गेल्यास मेंदूवर परिणाम करून मानसिक आरोग्यावर नकारात्मक प्रभाव टाकू शकतो.

तज्ज्ञ सांगतात की हा फक्त संभाव्य संबंध आहे, तरीही स्वच्छता, हात धुणे आणि मांजरींचा कचरा नीट हाताळणे यामुळे हा धोका कमी करता येऊ शकतो.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).