Chapati or Rice : रात्रीच्या जेवणासाठी कोणता पर्याय योग्य; चपाती की भात ?

रात्री भात जास्त खाल्ल्यास तो शरीरात लगेच खर्च न होता फॅटमध्ये बदलतो.

Chapati or Rice (Photo Credit : Pinterest)

यासोबत आपण कुठे राहतो ह्याचा संबंध आहे. जसे की तामिळ नाडू, बिहार, पश्चिम बंगाल अश्या राज्यांमध्ये भात खाल्ला जातो. पंजाब किंवा मध्य प्रदेश या राज्यांमध्ये गहू खाल्ले जातात.

चपाती मध्ये भाताच्या तुलनेत कार्ब्स कमी असतात. जर, तुम्ही जाड कणकेची जास्त फायबर असलेली चपाती खाल्ली तर आरोग्यासाठी चांगली ठरू शकते.

पातळ पिठाची चपाती भातासारखीच असते आणि त्यामुळे रक्तातली साखर पटकन वाढू शकते.

लठ्ठपणा टाळण्यासाठी भाताचं प्रमाण कमी ठेवणं, त्याऐवजी ब्राऊन राईस, उकड भात किंवा हातसडीचा तांदूळ वापरणं, भातासोबत भरपूर भाजी, डाळ, सूप किंवा सॅलड घेणं फायदेशीर ठरतं. तसेच नियमित चालणे, व्यायाम करणे आणि संतुलित आहार घेणे गरजेचे आहे.

भाताबरोबर चपाती खाण्यापेक्षा जास्त प्रमाणात भाजी खाली तर तुमचं ग्लुकोज चांगलं ठरू शकतं.

भात जास्त प्रमाणात खाल्ला तर लठ्ठपणा वाढण्याची शक्यता खूप असते. कारण भात हा सहज पचणारा आणि जास्त कॅलरी देणारा पदार्थ आहे. पांढऱ्या तांदळात तंतुमय घटक (फायबर) कमी असतात, त्यामुळे तो खाल्ल्यानंतर लवकर भूक लागते आणि आपण नेहमीपेक्षा जास्त खातो. जास्त प्रमाणात खाल्लेला भात शरीरात उर्जेत रूपांतरित होतो, परंतु ती उर्जा खर्च न झाल्यास ती चरबीच्या स्वरूपात साठते.

यामुळे हळूहळू पोटावर चरबी साठणे, वजन वाढणे, तसेच रक्तातील साखर वाढण्यासारख्या समस्या उद्भवू शकतात. विशेषतः रात्री भात जास्त खाल्ल्यास तो शरीरात लगेच खर्च न होता फॅटमध्ये बदलतो.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)