Hairfall Remedies: केसगळती थांबवण्यासाठी लक्षात ठेवा 'या' गोष्टी; साधी चूकही पडेल महागात
Hairfall Home Remedies: कधी कधी साधी चूकही केस गळण्याचं कारण बनते, अशा परिस्थितीत वेळीच केस गळणं थांबवणं आवश्यक आहे.
Hairfall Home Remedies
1/10
सुंदर, जाड आणि फुललेले केस कोणाला आवडत नाहीत? परंतु, सतत केस गळत राहिल्यामुळे डोक्यावर केसांपेक्षा जास्त टाळू दिसते.
2/10
वाढतं वय, मानसिक ताण, हार्मोन्सचा चढउतार, पोषक तत्त्वांची कमतरता, हवेतील प्रदूषण, आणि इतर शारीरिक आजार ही केस गळतीची काही मुख्य कारणं आहेत.
3/10
वातावरण, हवामान, केसांची निगा राखण्याचं रुटीन, हेअर केअर प्रोडक्ट्स आणि गरम उपकरणांचा केसांवर परिणाम होऊ शकतो. त्यामुळे केसगळती रोखण्यासाठी काही गोष्टींची काळजी घेणं आवश्यक आहे.
4/10
दिवसांनुसार केस न धुता, ते गरजेनुसार धुतले पाहिजे. केसात मळ दिसत असेल, चिकटपणा जाणवत असेल तर केस धुवा आणि केस स्वच्छ असतील तर धुवू नका.
5/10
केसांना कांद्याचा रस लावा, यामुळे केस मजबूत राहतात आणि केस गळणं थांबतं.
6/10
चुकूनही कंडिशनर टाळूवर (Scalp) लावू नका, फक्त केसांवर लावा. स्कॅल्पवर कंडिशनर लावल्याने केस खराब होतात.
7/10
केस ओले असताना विंचरणं टाळा, त्यामुळे केस गळण्याचं प्रमाण वाढतं.
8/10
झोपताना केस जास्त घट्ट बांधून झोपू नका, यामुळे केस मुळापासून उपटून तुटतात.
9/10
तुमच्या केसांच्या प्रकारानुसार हेअर प्रोडक्ट्स निवडा. तेलकट केसांवर ड्राय हेअर प्रोडक्ट्स किंवा कोरड्या केसांवर ऑयली हेअर प्रोडक्ट वापरल्यास केसांचं नुकसान होऊ शकतं.
10/10
कोरफड (aloevera gel) केसांचं गळणं थांबवण्यासाठी अतिशय परिणामकारक आहे. कोरफडीचा गर केसाला लावल्यास केस गळणं थांबतं तसेच केसांची वाढ होण्यास मदत होते.
Published at : 17 Aug 2023 01:11 PM (IST)