Benefits of Giloy : गिलॉय आयुर्वेदाची अमृतवेल जी वाढवते रोगप्रतिकारशक्ती आणि देते अनेक आरोग्यदायी फायदे!

Benefits of Giloy : गिलॉय ही अमृतासारखी आयुर्वेदिक वेल आहे जी रोगप्रतिकारशक्ती वाढवते, ताप, मधुमेह, त्वचारोग आणि इतर अनेक आजारांवर नैसर्गिक उपचार म्हणून उपयुक्त ठरते.

Benefits of Giloy

प्राचीन काळापासून गिलॉयचा वापर आयुर्वेदिक औषध म्हणून केला जात आहे. तिचे गुणधर्म अमृतासारखे असल्यामुळे तिला ‘अमृतवेल’ असेही म्हणतात. ही वनस्पती आरोग्यासाठी अत्यंत फायदेशीर मानली जाते.

गिलॉयची पाने सुपारीच्या पानांसारखी आणि गडद हिरव्या रंगाची असतात. तिच्या पानांमुळे ती ओळखणे सोपे असते, परंतु अनेक लोकांना अजूनही ती योग्यरीत्या ओळखता येत नाही.

औषधी गुणधर्मांसोबतच गिलॉय सुंदर दिसते, त्यामुळे ती सजावटीच्या झाडांप्रमाणेही वापरली जाते. घरात लावल्यास ती वातावरण स्वच्छ ठेवते आणि आरोग्यासाठी उपयोगी ठरते.

गिलॉयला गुडुची, अमृता आणि अमृतवेल अशा विविध नावांनी ओळखले जाते. आयुर्वेदात तिला शरीर शुद्ध करणारी आणि रोगांनी लढणारी वनस्पती मानली जाते

गिलॉयचा वापर ताप, खोकला, मधुमेह, उच्च रक्तदाब, बद्धकोष्ठता आणि त्वचारोगांवर उपचारासाठी केला जातो. ती शरीराची रोगप्रतिकारकशक्ती वाढून नैसर्गिकरीत्या आरोग्य सुधारते

Continues below advertisement

ही वेल ज्या झाडावर चढते,त्याचे गुणधर्म शोषून घेते. त्यामुळे कडुलिंबावर वाढलेली गिलॉय अधिक प्रभावी आणि औषधी गुणांनी समृद्ध असते, म्हणून तिची मागणी जास्त असते.

गिलॉयमध्ये तांबे, लोह, फॉस्फरस, जस्त, कॅल्शियम आणि मॅंगनीज यांसारखे पोषक घटक आढळतात. त्यातील टिनोस्पोरिन आणि अँटीऑक्सिडंट्स मुबलक प्रमाणात असल्यामुळे ती दाहविरोधी गुणधर्मांनी समृद्ध आहे.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).