Kojagiri Paurnima: जाणून घ्या मसाला दूध बनवण्याची सोपी पद्धत!

आपणही कोजागिरी पौर्णिमा हा शब्द ऐकला की, आपल्यालाही पहिली आठवणारी गोष्ट म्हणजे मसाला दूध. जाणून घ्या मसाला दूधचं बनवण्याची सोपी पद्धत!

milk

मसाला दुध बनवण्यासाठी लागणारं साहित्य: दूध- 1 लीटर, साखर - 5 चमचे, बदाम/ सुकामेवा- 1/2 वाटी, वेलची पूड 1 लहान चमचा, केशर - 10 ते 12 पाकळ्या.

मसाला दूध बनवण्यासाठी बदाम एक तासापूर्वी भिजत घाला. नंतर त्याचे साल काढून घ्या.

त्याचप्रमाणे एका वाटीत कोमट दुधात केशर घालून ठेवा.

आता दूध मंद आचेवर उकळू द्या.

त्यासोबतच इतर सुकामेवा म्हणजेच पिस्ता, काजू यांनाही बारीक चिरून घ्या.

सगळा सुकामेवा एकत्र करून ठेवा, व बदाम थोड्याश्या दुधात वाटून घ्या. गरम होत असलेल्या दुधात ही बदामाची पेस्ट मिसळा.

त्यातच केसर सुद्धा मिक्स करा. त्याने दुधाचा रंग लेगच बदलेल. त्याचसोबत चवीप्रमाणे साखर मिसळा.

आता तुम्ही दुधात वेलची पूड आणि सुका मेवे टाकून दूध गार्निश करु शकता.

शरद पौर्णिमेला चंद्र पृथ्वीच्या जवळ असतो. त्यामुळे या दिवशी आपल्याला चंद्रप्रकाशाचा अधिक फायदा घेता यावा, यासाठी चंद्राच्या प्रकाशात दूध ठेवून नंतर याचं सेवन केलं जातं.

आयुर्वेदानुसार, चंद्रप्रकाशात दुधाचे सेवन करणे आपल्या आरोग्यासाठी फायदेशीर असते. चंद्रप्रकाशात दूध प्यायल्याने आपल्या शरीरातील रोग दूर होण्यास मदत होते.