Risks of Drinking Too Much Water : अति पाणी पिणं आरोग्यासाठी घातक? जाणून घ्या जास्त पाणी पिण्याचे 5 धोके

Risks of Drinking Too Much Water : पाणी आवश्यक असलं तरी त्याचं अति सेवन शरीरासाठी घातक ठरू शकतं, त्यामुळे तहान लागल्यावर आणि गरजेनुसारच पाणी प्यावं.

Risks of Drinking Too Much Water

पाणी आपल्या शरीरासाठी अत्यंत आवश्यक आहे. कारण पाण्यामुळे आपलं शरीर हायड्रेटेड राहतं तसेच, यामुळे शरीराचं तापमानही व्यवस्थित ठेवण्यास मदत होते.

अनेकदा डॉक्टरांकडून आपल्याला दिवसातून आठ ग्लास पाणी प्यायला सांगितलं जातं. पण, तुम्हाला माहीत आहे का जास्त पाणी पिणं धोकादायक ठरू शकतं.

जर आपण एकाच वेळी खूप पाणी प्यायलो, तर आपल्या शरीरातील सोडियम नावाचा महत्त्वाचा घटक कमी होऊ शकतो.

सोडियम कमी झाल्यास पेशी फुगतात आणि मेंदूवर ताण येऊ शकतो. याला वॉटर टॉक्सिसिटी किंवा हायपोनेट्रेमिया म्हणतात.

जर आपली लघवी सतत रंगहीन आणि खूप जास्त येत असेल, तर याचा अर्थ शरीरात पाणी जास्त प्रमाणात आहे. यामुळे मळमळ, उलटी, चक्कर यांसारख्या समस्या निर्माण होतात.

Continues below advertisement

मेंदू सुजल्यामुळे डोकं दुखणं, लक्ष केंद्रित करण्यात अडचण, चिडचिड किंवा थकवा जाणवू शकतो. हात, पाय, चेहरा सूजू शकतो आणि त्वचा कोरडी दिसू शकते.

जास्त पाणी प्यायल्यास मूत्रपिंडांना अधिक काम करावं लागतं. ज्यामुळे शरीर थकलेले वाटू शकते. इलेक्ट्रोलाईट्स कमी झाल्यामुळे स्नायू दुखू लागतात.

अत्यंत गंभीर प्रकरणात सोडियमची पातळी खूप कमी होऊन झटके येणं, बेशुद्ध होणं किंवा श्वास घेण्यास त्रास देखील होऊ शकतो.

वय, शरीराचा आकार, कामाचा प्रकार आणि हवामान यावरून पाण्याची गरज वेगवेगळी असते. सामान्यत प्रौढ महिलांनी 2.7 लिटर आणि पुरुषांनी 3.7 लिटर पाणी दररोज प्यावे.

सर्वात महत्त्वाचं म्हणजे, तहान लागल्यावरच पाणी प्यावे. गरजेपेक्षा जास्त पाणी पिणं आरोग्यासाठी घातकच ठरतं.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही)