Year Ender 2024: वाईल्ड फायर पुष्पा नाही, तर 'या' बॉलिवूड अभिनेत्रीनं हॉलिवूडलाही झुकवलं; फक्त एका सीरिजसाठी घेतलं कोट्यवधींचं मानधन

पुष्पा 2 ची छप्पडफाड कमाई पाहून तुम्हाला आश्चर्य वाटत असेल , तर थांबा या वर्षी पुष्पा 2 पेक्षा जास्त बजेट असलेल्या हॉलिवूड सीरिजमध्ये काम करून जगभरात ओळख मिळवणाऱ्या एका बॉलिवूड अभिनेत्रीबाबत ऐकून तुम्ही थक्क व्हाल.

2024 हे वर्ष मनोरंजन क्षेत्रासाठी खास होतं. यावर्षी भारतीय चित्रपटसृष्टीनं अनेक रेकॉर्डब्रेकर चित्रपट प्रेक्षकांना दिले. स्त्री 2 सारखे कमी बजेटचे ब्लॉकबस्टर बॉलीवूडमध्ये आले, तर तेलुगू सिनेमा पुष्पा 2 नं भारतातील सर्वाधिक कमाई करणाऱ्या चित्रपटांच्या यादीत अव्वल स्थान पटकावलं आहे. पुष्पा 2 नं जगभरात 1500 कोटी रुपये आणि भारतात 1000 कोटी रुपये कमावले आहेत.

यंदा अनेक बड्या चेहऱ्यांची वर्षभर चर्चा झाली. अक्षय कुमार, सलमान खान, करीना कपूर, दीपिका पदुकोण, रजनीकांत ते रश्मिका मंदाना आणि अल्लू अर्जुन नेहमीच चर्चेत असतात. पण या मसालेदार बातम्यांपासून दूर राहून एका बॉलीवूड अभिनेत्रीनं शांतपणे असं काही केलं, जे आजपर्यंत कोणत्याही भारतीय अभिनेत्री किंवा अभिनेत्याला करता आलेलं नाही.

हॉलिवूडला आपल्यासमोर झुकायला भाग पाडणारी बॉलिवूडची अभिनेत्री म्हणजे, तब्बू. तब्बूनं यावर्षी करीना आणि क्रिती सेनन स्टारर क्रूमध्ये महत्त्वाची भूमिका साकारली होती. या ठिकठाक कमाईही केली. अजय देवगणसोबत अरसी में कहा दम था हा चित्रपटही आला होता, पण तो फ्लॉप ठरला. करीना कपूरची चर्चा क्रूमध्ये सर्वाधिक झाली, तरी तब्बूचा वेगळेपणा कुणाच्या नजरेतून सुटला नाही. वर्ष सरत असताना ती काय करणार? हे वर्षाच्या सुरुवातीला कोणालाच कळत नव्हतं. पण, तिनं जे केलं, त्याचा विचारही कुणी केला नसेल.

तब्बूनं साऊथ आणि बॉलिवूड सोडून आपला मोर्चा हॉलिवूडकडे वळवला. तब्बू 6 एपिसोड सीरिजमधील ड्यून प्रोफेसीच्या पाचव्या पर्वात दिसली आणि तिची एन्ट्रीही शानदार झाली. ती येताच भारतीय चाहत्यांमध्ये आनंदाची लाट उसळली.

ड्यून प्रोफेसी ही कथा तिच्या कथेचा प्रीक्वल आहे, ज्यावर या वर्षी Dune 2 प्रदर्शित झाला होता. अप्रतिम पटकथा, कथा आणि दिग्दर्शनानं सजलेला हा चित्रपट सुमारे 190 दशलक्ष डॉलर्समध्ये तयार झाला होता. आणि चित्रपटानं जगभरात 714.4 डॉलर्स दशलक्ष कमावले. अवतारचे दिग्दर्शक जेम्स कॅमेरून सारखे लोकही चित्रपटाचे कौतुक करणाऱ्यांमध्ये होते. आता, त्याच लार्जर दॅन लाईफ स्टोरीचा एक भाग बनून, तब्बूनं सिस्टर फ्रान्सिस्का म्हणून जगभर आपला ठसा उमटवला आहे.

तब्बूनं यापूर्वी कधीही हॉलिवूड चित्रपटात काम केलं नाही असं नाही. नेमसेक आणि लाईफ ऑफ पाय यांसारख्या चित्रपटांमध्ये तिनं याआधीही आपल्या अभिनयाची छाप सोडली आहे. लाईफ ऑफ पायचे दिग्दर्शक आंग ली यांनीही जागतिक सिनेमाचा खजिना म्हणत तिचं कौतुक केलं.

ड्यून प्रोफेसी या 6 भागांच्या सीरिजच्या बजेटबद्दल काहीही माहिती नाही, पण अशाच एका कथेवर आधारित 3 तासांच्या ड्युन 2 या चित्रपटाची किंमत 190 दशलक्ष डॉलर्स म्हणजेच, सुमारे 1600 कोटी इतकी असेल, असा अंदाज नक्कीच लावला जाऊ शकतो. एक पॅरलर वर्ल्ड तयार करण्यासाठी आणि ते 6 तासांच्या मालिकेत दाखवण्यासाठी खर्च केला असता. हे स्पष्ट आहे की, पुष्पा 2 सारख्या चित्रपटानं 1500 कोटींची कमाई केल्याची खूप चर्चा होत असताना, तब्बूनं अधिक बजेट असलेल्या मालिकेत महत्त्वाची भूमिका साकारून शांतपणे मनोरंजन उद्योगात आपलं स्थान मजबूत केलं आहे.