Paritosh Tripathi Wedding : छोट्या पडद्यावरील 'मामा'जी अडकला लग्नबंधनात; लग्नाचे फोटो पाहिलेत का?

Paritosh Tripathi Wedding : टीव्ही अभिनेता परितोष त्रिपाठीने नुकतेच उत्तराखंडमध्ये त्याची गर्लफ्रेंड मीनाक्षीबरोबर लग्न केले आहे. त्यांच्या लग्नाचे फोटो समोर आले आहेत.

छोट्या पडद्यावरील 'मामा जी' या नावाने प्रसिद्ध असलेला अभिनेता परितोष त्रिपाठी लग्नबंधनात अडकला आहे. 9 डिसेंबर 2022 रोजी परितोषने त्याची मैत्रीण मीनाक्षीबरोबर उत्तराखंडमध्ये लग्न केले.

बी-टाउनपासून टीव्ही इंडस्ट्रीतील अनेक सेलिब्रिटींनी परितोषच्या लग्नाला हजेरी लावली, ज्यात पंकज त्रिपाठी, गीता कपूर, ऋत्विक धनजानी यांसारख्या सेलिब्रिटींचा समावेश होता.

परितोष त्रिपाठीच्या लग्नाचे अनेक फोटो समोर आले आहेत. फोटोंमध्ये, सेलिब्रिटी परितोषच्या लग्नाचा आनंद लुटताना दिसतायत.

परितोषने पीच करलची शेरवानी परिधान केली होती. या शेरवानीवर गुलाबी रंगाच्या मोत्यांची माळही फार शोभून दिसत होती.

तर दुसरीकडे परितोषची नववधू पिंक कलरच्या लेहेंग्यात खूपच सुंदर दिसत होती. तिने पिंक लेहेंग्यावर गोल्ड ज्वेलरीसह लूक पूर्ण केला. लग्नात हे जोडपे 'मेड फॉर इच अदर' दिसत होते.

परितोष आणि मीनाक्षीचा लग्नमंडपही खूप सुंदर होता. त्यांच्या मंडपाची थीम गुलाबी होती आणि हा मंडप विविधरंगी फुलांनी सजविण्यात आला होता.

एका फोटोत पंकज त्रिपाठी परितोष आणि मीनाक्षी यांच्या विवाह सोहळ्याची विधी पूर्ण करताना दिसत आहेत. यावेळी पंकज विंटर आउटफिटमध्ये दिसत आहेत.

एका फोटोत, वधू -वर परितोष आणि मीनाक्षी बॉर्न फायरजवळ हात शेकताना दिसत आहेत. त्यांच्यासोबत इतरही अनेक लोक दिसत आहेत.

सध्या परितोष आणि मीनाक्षीच्या लग्नाचे फोटो सोशल मीडियावर प्रचंड व्हायरल होत आहेत.