PHOTO : नव्या सीझनचं पहिलं एलिमिनेशन; श्रीजिता डे ‘बिग बॉस 16’मधून आऊट!

टीव्ही विश्वातील सर्वात वादग्रस्त रिअ‍ॅलिटी शो ‘बिग बॉस 16’ (Bigg Boss 16) सुरुवातीपासूनच खूप चर्चेत आहे. शोच्या नव्या सीझनमध्ये प्रेक्षकांना सुरुवातीपासूनच नवे धमाके पाहायला मिळत आहेत.

यातच शनिवारी प्रसारित झालेल्या ‘वीकेंड का वार’ एपिसोडमध्ये पुन्हा एकदा मनोरंजनाचा डबल डोस पाहायला मिळाला.

एकीकडे सलमान खानने शालीन भानोतची जोरदार शाळा घेतली, तर दुसरीकडे या सीझनमधून घरातून बाहेर पडलेल्या पहिल्या सदस्याचे नावही जाहीर करण्यात आले.

स्पर्धक-अभिनेत्री श्रीजिता (Sreejita De) ‘बिग बॉस 16’च्या घरातून बाहेर गेली आहे.

नेहमीप्रमाणेच यावेळेसही वीकेंडच्या एपिसोडमध्ये अनेक धमाके आणि गोंधळ पाहायला मिळाला. या एपिसोडच्या शेवटी एलिमिनेट झालेल्या सदस्याचे नाव जाहीर करण्यात आले, जे ऐकून सगळ्यांनाच धक्का बसला.

'बिग बॉस 16' च्या कालच्या एपिसोडमध्ये म्हणजेच ‘शनिवार वीकेंड के वार’मध्ये सलमान खानने एलीमिनेट सदस्याचे नाव जाहीर केले. यावेळी त्याने श्रीजिता डेचे नाव घेतले.

‘बिग बॉस’च्या घरातील सर्वात मजबूत स्पर्धकांपैकी एक असलेल्या श्रीजिता डेचे नाव जेव्हा सलमानने इव्हिक्शनसाठी घेतले, तेव्हा सर्वांनाच आश्चर्य वाटले.

मात्र, यापूर्वी गोरीसोबत झालेल्या भांडणामुळे श्रीजिता डेला प्रेक्षकांची कमी मते मिळाली होती आणि त्यामुळेच ती बेघर झाली आहे. यानंतर सलमानने तिला शुभेच्छा देऊन या घरातून निरोप दिला. (Photo :@ sreejita_de/IG)