In Pics: अमोल कोल्हेंची मुलगी साकारणार 'ताराराणींची' भूमिका

आजपासून सुरू होणाऱ्या 'स्वराज्य सौदामिनी ताराराणी' मालिकेत किशोरवयीन ताराराणींची भूमिका अमोल कोल्हेंची मुलगी 'आद्या कोल्हे' साकारणार आहे.

डॉ. अमोल कोल्हे आणि जगदंब क्रिएशन्स या मालिकेची निर्मिती करत आहेत. या निमिर्तीसंस्थेने आतापर्यंत स्वराज्याचा आणि छत्रपती शिवाजी महाराजांचा इतिहास मांडणाऱ्या अनेक मालिकांची निर्मिती केली आहे.

'आद्या कोल्हे'च्या या नव्या भूमिकेविषयी प्रेक्षकदेखील उत्सुक आहेत. मालिकेच्या प्रोमेमध्ये प्रेक्षक आद्याचे कौतुक करताना दिसून येत आहेत.

स्वराज्याचे सरसेनापती हंबीरराव मोहिते यांची कन्या म्हणून ताराराणी यांची विशिष्ट ओळख आहे. 'स्वराज्य सौदामिनी ताराराणी' मालिकेत ताराराणींचे वडील ताराराणींवर संस्कार करताना प्रेक्षकांना पाहायला मिळणार आहेत.

आद्या अमोल कोल्हे किशोरवयीन ताराराणींची भूमिका साकारत असून प्रसिद्ध अभिनेते आनंद काळे सरसेनापती हंबीरराव मोहिते यांची भूमिका साकारत आहेत.

मालिकेत स्वरदा ठिकळे ताराराणीची भूमिका साकारणार आहे. या मालिकेसाठी स्वरदाने घोडोस्वारी, तलवारीबाजीच्या सरावावा सुरुवात केली आहे.