Smruti Mandhana: वैयक्तिक वादळातून सावरत स्मृती मानधना नव्या आत्मविश्वासात पुन्हा समोर; पांढऱ्याशुभ्र वनपीसमध्ये अवतरली, Photos

सोशल मीडियावर तिचे फोटो सध्या चांगलेच व्हायरल होत आहेत.

smruti mandhana

भारतीय महिला टीम ची स्टार खेळाडू आणि भारतीय महिला क्रिकेट संघाची उपकर्णधार स्मृती मानधना हिच्या वैयक्तिक आयुष्यात गेल्या काही दिवसांत बरंच काही घडलं. संगीतकार पलाश मुच्छल याच्याशी असलेलं नातं संपल्याचं तिने जाहिर केलं.

मात्र या कठीण टप्प्यावरून स्मृती हळूहळू सावरताना दिसते आहे. काही दिवसांपूर्वी ती लग्न मोडल्यानंतर पहिल्यांदाच सार्वजनिक कार्यक्रमात दिसली होती. त्यावेळी “क्रिकेट हेच माझं खरं प्रेम आहे,” असं स्पष्ट वक्तव्य तिने केलं होतं.

आता नुकत्याच झालेल्या आणखी एका इव्हेंटमध्ये स्मृतीने उपस्थिती लावली. पांढऱ्या रंगाच्या वन-पीसमध्ये तिचा लूक प्रचंड आकर्षक दिसत होता. सोशल मीडियावर तिचे फोटो सध्या चांगलेच व्हायरल होत आहेत.

दरम्यान, स्मृती लवकरच पुन्हा क्रिकेटच्या मैदानात परतणार आहे. 21 डिसेंबरपासून भारत आणि श्रीलंका महिला संघांमध्ये 5 टी-20 सामन्यांची मालिका खेळवली जाणार असून या मालिकेत स्मृती भारतीय संघाची उपकर्णधार म्हणून मैदानात उतरेल.

या मालिकेनंतर क्रिकेटप्रेमींना आणखी एक मोठी मेजवानी मिळणार आहे. 9 जानेवारीपासून महिला प्रीमियर लीग (WPL) सुरू होणार आहे.

स्मृती मानधना या स्पर्धेत रॉयल चॅलेंजर्स बंगळुरू (RCB) संघाकडून खेळताना दिसेल आणि ती या संघाची कर्णधारही आहे.

WPL मधील आरसीबीचा पहिला सामना 9 जानेवारीला मुंबई इंडियन्स विरुद्ध होणार आहे. विशेष म्हणजे मुंबई इंडियन्सची कर्णधार भारतीय संघाची वर्ल्ड कप विजेती कर्णधार हरमनप्रीत कौर आहे.

त्यामुळे पहिल्याच सामन्यात भारतीय संघाची कर्णधार आणि उपकर्णधार एकमेकांविरुद्ध मैदानात दिसणार आहेत, यामुळे सामन्याची उत्सुकता अधिकच वाढली आहे.