Shikhar Dhawan Wedding : शिखर धवन यांचा सोफी शाइनसोबत विवाह; सेलिब्रिटींकडून शुभेच्छांचा वर्षाव

Shikhar Dhawan Wedding : शिखर धवन यांचा सोफी शाइनसोबत विवाह सेलिब्रिटींकडून शुभेच्छांचा वर्षाव

लग्नाचे फोटो सोशल मीडियावर शेअर करत ‘मिसेस धवन’ असे स्वागत केले.

भारतीय क्रिकेटपटू शिखर धवन यांनी 21 फेब्रुवारी रोजी सोफी शाइनसोबत विवाह केला आहे.

सोशल मीडियावर फोटो समोर येताच रणवीर सिंह पासून विराट कोहली पर्यंत अनेक सेलिब्रिटींनी त्यांना शुभेच्छा दिल्या.

त्यांनी लग्नाचे फोटो सोशल मीडियावर शेअर करून चाहत्यांना आनंदाचा धक्का दिला. फोटोसोबत त्यांनी पत्नीचे स्वागत करत ‘मिसेस धवन’ असे लिहिले.

अभिनेता रणवीर सिंह यांनी लिहिले, “अभिनंदन आणि देवाची कृपा कायम राहो भाऊ.” कॉमेडियन सुनील ग्रोवर यांनी विनोदी शैलीत “अभिनंदन पाजी आणि भाभीजी” असे म्हटले. अभिनेत्री जॅकलीन फर्नांडिस यांनी हृदयाच्या इमोजीसह शुभेच्छा दिल्या. विराट कोहली यांनी पंजाबी अंदाजात “मुबारकां जट्ट जी” असे लिहिले. तसेच युजवेंद्र चहल यांनीही इंस्टाग्रामवर फोटो शेअर करत “माझ्या मित्राचं लग्न आहे” असे लिहून शुभेच्छा दिल्या.

लग्न सोहळ्यात शिखर धवन क्रीम रंगाच्या शेरवानीत दिसले, तर सोफी शाइन पारंपरिक लेहंग्यात अत्यंत सुंदर दिसत होती. दोघांचेही पोशाख प्रसिद्ध फॅशन डिझायनर मनीष मल्होत्रा यांनी डिझाइन केले होते.

शेअर केलेल्या एका फोटोमध्ये दोघे एकत्र पोझ देताना दिसतात, दुसऱ्या फोटोमध्ये ते नृत्य करताना दिसतात, तर तिसऱ्या फोटोमध्ये शिखर सोफीच्या कपाळावर कुंकू भरताना दिसतात. रंगीबेरंगी सजावटीमुळे हे क्षण अधिक खास बनले.

यापूर्वी त्यांनी आयेशा मुखर्जी यांच्याशी विवाह केला होता आणि त्यांना जोरावर नावाचा मुलगा आहे. 2023 मध्ये दोघांचा घटस्फोट झाला होता.