O Romeo : दुसऱ्या रविवारी कमाईत मोठी झेप; ‘ओ रोमियो’ने पार केला 55 कोटींचा टप्पा

O Romeo : दुसऱ्या रविवारी कमाईत मोठी झेप ‘ओ रोमियो’ने पार केला 55 कोटींचा टप्पा

10 दिवसांत चित्रपटाची कमाई 55.90 कोटींवर पोहोचली.

शाहिद कपूर यांचा ‘ओ रोमियो’ हा चित्रपट सध्या बॉक्स ऑफिसवर जोरदार कामगिरी करत असून प्रेक्षकांकडून त्याला उत्स्फूर्त प्रतिसाद मिळत आहे.

या चित्रपटात शाहिद कपूरसोबत तृप्ती डिमरी मुख्य भूमिकेत दिसत असून दोघांच्या केमिस्ट्रीचे विशेष कौतुक केले जात आहे.

प्रसिद्ध दिग्दर्शक विशाल भारद्वाज यांनी दिग्दर्शित केलेल्या या रोमँटिक क्राइम थ्रिलरला समीक्षकांकडूनही सकारात्मक प्रतिक्रिया मिळाल्या आहेत.

चित्रपटाने रिलीजच्या पहिल्याच दिवशी 8.50 कोटी रुपयांची दमदार कमाई करत बॉक्स ऑफिसवर चांगली सुरुवात केली होती.

पहिल्या आठवड्यात कमाईत चढ-उतार दिसून आले असले तरी चित्रपटाने एकूण 47.1 कोटी रुपयांचा टप्पा गाठला.

दुसऱ्या रविवारीही चित्रपटाने 3.25 कोटी रुपयांची कमाई करत एकूण कलेक्शन 55.90 कोटी रुपयांपर्यंत नेले.

या कमाईमुळे ‘ओ रोमियो’ हा चित्रपट शाहिद कपूर यांच्या कारकिर्दीतील सहावा सर्वाधिक कमाई करणारा चित्रपट ठरला आहे.

या चित्रपटाने 'हैदर' च्या लाइफटाइम कलेक्शनलाही मागे टाकत नवीन विक्रम प्रस्थापित केला आहे.

आता या चित्रपटाचे लक्ष्य 'उडता पंजाब' च्या कलेक्शनचा टप्पा ओलांडण्याचे असून पुढील दिवसांत त्याची कामगिरी कशी राहते याकडे सर्वांचे लक्ष लागले आहे.