मुहूर्त ठरला! ‘मुरांबा’ फेम अभिनेता अडकणार विवाहबंधनात, प्रसिद्ध मॉडेलसोबत बांधणार लग्नगाठ, फोटो पाहिलेत?

गेल्या काही वर्षांपासून हे दोघं एकमेकांना ओळखतात. मैथिलीने परदेशात पार पडलेल्या सौंदर्य स्पर्धेत ‘मिस इंटरनॅशनल वर्ल्ड पेटिट’ हा खिताब पटकावला होता.

Siddharth Khirid

मराठी मनोरंजनसृष्टीत सध्या लग्नसराईचं वातावरण पाहायला मिळत आहे. अनेक लोकप्रिय चेहरे नव्या आयुष्याची सुरुवात करण्यासाठी सज्ज होत असताना, आता छोट्या पडद्यावरील आणखी एक लाडका अभिनेता विवाहबंधनात अडकणार असल्याची चर्चा रंगू लागली आहे.

सोशल मीडियावर शेअर केलेल्या रोमँटिक अंदाजात या अभिनेत्याने नात्याची अधिकृत घोषणा केली असून, खास अंदाजात त्याने लग्नाची तारीखही चाहत्यांसमोर उघड केली आहे.

‘मुलगी झाली हो’, ‘फ्रेशर्स’, ‘जाऊबाई जोरात’, ‘हृदयी प्रीत जागते’ आणि ‘मुरांबा’सारख्या लोकप्रिय मालिकांमधील भूमिकांमुळे सिद्धार्थ खिरीडने प्रेक्षकांच्या मनात आपलं स्थान निर्माण केलं आहे.

काही काळापूर्वीच त्याने सोशल मीडियावरून आपल्या आयुष्यातील सिंगलपणाचा अध्याय संपल्याचं जाहीर करत प्रेमसंबंधाची कबुली दिली होती. त्यानंतर त्याने आपल्या जोडीदाराला लग्नासाठी खास पद्धतीने मागणीही घातली होती.

सिद्धार्थच्या आयुष्यातील ही खास व्यक्ती म्हणजे डॉ. मैथिली भोसेकर. अनेक वर्षांपासून दोघांमध्ये जवळीक असून, हे नातं आता विवाहात बदलणार आहे.

मैथिली केवळ वैद्यकीय क्षेत्रात कार्यरत नाही, तर सौंदर्य आणि फॅशनविश्वातही तिची ओळख आहे. आंतरराष्ट्रीय स्तरावरील एका प्रतिष्ठित सौंदर्यस्पर्धेत तिने विजेतेपद मिळवलं असून, जागतिक फॅशन मंचावरही ती झळकली आहे. पॅरिस फॅशन वीकसाठी तिची निवड प्रमुख मॉडेल म्हणून झाली होती.

सिद्धार्थ आणि मैथिलीच्या लग्नाची बातमी समोर येताच चाहत्यांकडून शुभेच्छांचा वर्षाव सुरू झाला आहे.

मराठी कलाविश्वातील आणखी एका आनंदाच्या सोहळ्याची आता सर्वांनाच उत्सुकता लागली आहे.