Deep Sidhu : ‘तुझ्या जाण्याने मी कोलमडून गेलेय’, दीप सिद्धूच्या मैत्रिणीची भावूक पोस्ट

Deep Sidhu,Reena Rai

पंजाबचा प्रसिद्ध अभिनेता दीप सिद्धू याचा 15 फेब्रुवारी रोजी एका रस्ते अपघातात मृत्यू झाला. या अपघातावेळी दीपची मैत्रीण रीना रायही त्याच्यासोबत होती.

या अपघातात दीपने आपला जीव गमावला. मात्र, रीना यातून थोडक्यात बचावली. हरियाणातील सोनीपतमधील खारखोडाजवळ KMP एक्सप्रेसवेवर मंगळवारी संध्याकाळी हा अपघात झाला.

यानंतर रीनाने तिच्या सोशल मीडियावर दीपसोबतची एक पोस्ट शेअर केली आहे. रीनाने तिच्या सोशल मीडिया पोस्टवर लिहिले, 'मी तुझ्या जाण्याने कोलमडून गेलेय. तू मला वचन दिलेलेस की, तू मला आयुष्यात कधीही सोडणार नाहीस. तू परत ये...’

दीपसोबत ‘व्हॅलेंटाईन डे’ साजरा करण्यासाठी रीन राय 13 फेब्रुवारी रोजी अमेरिकेतून भारतात आली होती.

या अपघातात रीनाला किरकोळ दुखापत झाली असून, ती बेशुद्ध झाली होती. त्यानंतर त्यांना खरखोडा येथील रुग्णालयात दाखल करण्यात आले होते.

दीप सिद्धूची कार रस्त्याच्या कडेला उभ्या असलेल्या ट्रॉलीला धडकली होती. या अपघातात त्याचा जागीच मृत्यू झाला. (All Photos : @ thisisreenarai/IG)