Happy Birthday Ananya Panday : हॅपी बर्थडे अनन्या पांडे! जाणून घ्या अनन्याविषयी काही रंजक गोष्टी

Happy Birthday Ananya Panday : अनन्या पांडेची गणना बॉलिवूडमधील श्रीमंत अभिनेत्रींमध्ये केली जाते.

Happy Birthday Ananya Panday

'स्टुडंट ऑफ द इयर 2' (Student Of The Year 2) चित्रपटातून आपल्या फिल्मी करिअरची सुरूवात करणाऱ्या बॉलिवूड अभिनेत्री अनन्या पांडेचा (Ananya Panday) आज 24 वा वाढदिवस साजरा करत आहे.

अनन्याने अगदी कमी कालावधीत इंडस्ट्रीत आपली वेगळी ओळक निर्माण केली. अनन्या तिच्या बोल्ड आणि ग्लॅमरस लूकमुळे नेहमीच चर्चेत असते. अनन्या पांडेला अभिनयाचा वारसा तिच्या वडिलांकडून मिळाला आहे.

तिचे वडील 'चंकी पांडे' हे देखील उत्तम अभिनेते आहेत. अनन्या पांडेची गणना बॉलिवूडमधील श्रीमंत अभिनेत्रींमध्ये केली जाते. आज अनन्याच्या वाढदिवसानिमित्त तिच्या एकूण संपत्तीबद्दल जाणून घेऊयात.

अनन्याच्या करिअरची सुरुवात स्टुडंट ऑफ द इयर 2 मधून झाली. त्यानंतर ती 'पती पत्नी और वो', ईशान खट्टरसोबत 'खाली पीली'मध्ये दिसली होती. 2022 मध्ये अनन्याने गेहराईया आणि लायगर यांसारखे चित्रपट दिले. लायगर या चित्रपटातून अनन्या साऊथ सुपरस्टार विजय देवरकोंडासोबत दिसली होती. या चित्रपटातून अनन्याने साऊथमध्येदेखील पदार्पण केले.

अनन्या पांडे प्रामुख्याने तिच्या चित्रपट आणि जाहिरातींतून कमाई करते. मिळालेल्या माहितीनुसार, अनन्या तिच्या प्रत्येक चित्रपटासाठी दोन कोटींची फी घेते. यासोबतच ती ब्रॅंडच्या जाहिरातीसाठी लाखो रुपये घेते. मीडिया रिपोर्ट्सनुसार, अनन्या पांडेची एकूण संपत्ती 30 कोटींहून अधिक आहे.

Continues below advertisement

अनन्या पांडेचे स्वतःचे आलिशान घर आहे. मुंबईतील पाली हिल येथील एका घरात ती आपल्या कुटुंबियांसह राहते. तिने आपल्या घरात आवश्यक असलेल्या सर्व गोष्टींचा समावेश केला आहे. त्यांच्या घराची किंमत कोटींमध्ये असल्याचे सांगितले जाते.

अनन्या पांडेला लक्झरी कारचीही खूप आवड आहे. रिपोर्ट्सनुसार, तिच्या कार कलेक्शनमध्ये 88.24 लाख किमतीची 'रेंज रोव्हर स्पोर्ट', 63.30 लाखांची 'मर्सिडीज-बेंझ ई-क्लास', 33 लाख किंमतीची 'स्कोडा कोडियाक' आणि इतर अनेक कारचा समावेश आहे.

अनन्या पांडेचे इन्स्टाग्रामवर 24 मिलीयन फॉलोअर्स आहेत. अनन्या अनेकदा इन्स्टाग्रामवर अनेकदा बोल्ड आणि सिझलिंग फोटो शेअर करत असते.

वर्क फ्रंटबाबत बोलायचे झाल्यास, अनन्या पुढे सिद्धांत चतुर्वेदीबरोबर 'खो गए हम कहाँ' मध्ये दिसणार आहे. याशिवाय ही अभिनेत्री आयुष्मान खुरानाच्या ड्रीम गर्ल 2 मध्येदेखील दिसणार आहे.