गोविंदावर मध्यरात्री झाडल्या होत्या गोळ्या, घराबाहेर सिनेमासारखा थरार; रात्री नेमकं काय घडलं?

Actor Govinda Targeted by Unknown Attackers: अभिनेता गोविंदाला जीवे मारण्याच्या धमक्या मिळाल्याचा दावा.

Govinda Attack Case

Govinda Attack Case: अभिनेता गोविंदा त्याच्या कामासह वैयक्तिक कारणामुळेही चर्चेत आहे. यावेळी गोविंदा पत्नी सुनीता अहुजा नाही तर, त्याच्यावर झालेल्या हल्ल्यामुळे चर्चेत आला आहे. अलिकडेच एका मुलाखतीत गोविंदाच्या मॅनेजरने एक मोठा खुलासा केला आहे. गोविंदाला जीवे मारण्याच्या धमक्या मिळत असल्याचं त्यानं सांगितलं.

काही अज्ञात हल्लेखोरांनी गोविंदाच्या घरी जाऊन त्याला लक्ष्य करण्याचा प्रयत्न केले असल्याचा खुलासा, गोविंदाच्या मॅनेजरने केला आहे.

एएनआयशी बोलताना गोविंदाचे मॅनेजर शशी सिन्हा म्हणाले, 'त्याला सतत धमकीचे फोन येत होते. त्याला हल्लेखोरांकडून जीवे मारण्याची धमकी देण्यात येत होती. ज्या दिवशी गोविंदावर हल्ला झाला, तेव्हा त्याच्याकडे लायसन्स असलेली बंदूक होती. त्याने सर्वांना पळवून लावले. अन्यथा काय झाले असते, कुणास ठाऊक".

"मी गोविंदाकडे पहाटे 4 वाजता पोहोचलो. आम्ही या प्रकरणी पोलिसांकडे धाव घेत तक्रार दाखल केली. त्या रात्रीचा व्हिडिओ देखील आमच्याकडे आहे', असं मॅनेजरने स्पष्ट केलं.

सीसीटीव्ही फुटेजच्या आधारे पोलिसांनी एफआयआर दाखल केला, असं गोविंदाच्या मॅनेजरने स्पष्ट केलं.

Continues below advertisement

2024 साली घडलेल्या घटनेनंतर गोविंदाला रूग्णालयात उपचारासाठी दाखल करण्यात आले. त्याने रूग्णालयातून एक व्हॉइस नोट रेकॉर्ड केला. तसेच चाहत्यांना प्रकृती सुधारत असल्याचं सांगितलं.

गोविंदा म्हणाला, "नमस्कार. मी गोविंदा. मला गोळी लागली. परंतु गुरूंच्या कृपेमुळे गोळी काढण्यात आली. माझे प्राण वाचवण्याबद्दल डॉक्टर अग्रवाल यांचे आभार मानतो. तुम्हा सर्वांच्या प्रार्थनेबद्दल माझे मनापासून आभार", असं त्याने व्हॉइस नोटमध्ये म्हटलं होतं.

गोविंदा पुन्हा एकदा सिनेमांमध्ये परतण्याची तयारी करत असल्याचं त्याच्या मॅनेजरने सांगितलं. "त्याच्याकडे सध्या अनेक प्रोजेक्ट्स आहेत. गोविंदा सध्या त्या प्रोजेक्ट्समध्ये व्यस्त आहे. एक काळ असा होता की, गोविंदा दरवर्षी कोट्यवधींचे प्रोजेक्ट नाकारायचा. आजही त्याला कोणताही प्रोजेक्ट आवडत नसेल तर, तो थेट नकार देतो", असं मॅनेजरने स्पष्ट केलं.