Geeta Basra Pregnancy: हरभजन दुसऱ्यांदा होणार 'बाप'माणूस, गीता बसरानं ट्वीट करुन दिली माहिती

Feature_Photo__(2)

भारतीय संघाचा क्रिकेटर हरभजन सिंह दुसऱ्यांदा पिता होणार आहे. त्याची पत्नी अभिनेत्री गीता बसरानं ही गुड न्यूज शेअर केली आहे.

गीतानं आपल्या परिवाराचे फोटो शेअर केले आहेत. भज्जी आणि गीता या वर्षी जुलै महिन्यात दुसऱ्यांदा आई-बाबा होणार आहेत.

गीता बसराने जे फोटो शेअर केले आहेत त्यात हरभजन आणि त्यांची मुलगीही दिसत आहे.

हरभजन आणि गीता बसरा यांची एक पाच वर्षाची मुलगी आहे, जिचं नाव हिनाया आहे.

या फोटोत हिनाया आपल्या आईच्या बेबी बंपला किस करताना दिसत आहे.

गीता बसरानं फोटो शेअर करताना म्हटलं आहे की- कमिंग सून इन जुलै.

गीता बसरा ब्रिटेनमध्ये जन्मली. तिनं 2006 मध्ये इमरान हाशमीसोबत 'दिल दिया है' या चित्रपटाद्वारे पदार्पण केलं.

त्यानंतर 'द ट्रेन' मध्येही ती दिसली. मात्र तिला बॉलिवूडमध्ये जास्त यश मिळू शकलं नाही.

हरभजन आणि गीता आपल्या एका कॉमन मित्राच्या माध्यमातून एकमेकांना भेटले. काही दिवस डेट केल्यानंतर दोघांनी लग्न केलं होतं.

image 9