Dharmaveer 2 : धर्मवीर 2 च्या शूटींगला सुरुवात, मुख्यमंत्री एकनाथ शिंदेंच्या उपस्थितीत पार पडला मुहूर्त सोहळा

Dharmaveer 2 : धर्मवीर 2 या सिनेमाच्या चित्रीकरणाला आजपासून सुरुवात झाली आहे.

Dharmaveer 2

धर्मवीर आनंद दिघे यांच्या आयुष्यावर आधारित 'धर्मवीर' हा सिनेमा काही दिवसांपूर्वी प्रेक्षकांच्या भेटीला आला आणि तुफान गाजला.

आता लवकरच या सिनेमाचा दुसरा भाग प्रेक्षकांच्या भेटीला येणार आहे.

मुख्यमंत्री एकनाथ शिंदे यांच्या उपस्थितीत या सिनेमाच्या शुटिंगला आजपासून सुरुवात झाली आहे.

सुरत, गुवाहाटी ते मंत्रालय एकनाथ शिंदेंच्या उठावाची थरारक कहाणी या सिनेमात पाहायला मिळणार आहे.

या सिनेमाच्या शुभारंभादरम्यान एकनाथ शिंदे म्हणाले की,"धर्मवीर 2' या सिनेमात मी मुख्यमंत्री म्हणून दिसणार आहे".

Continues below advertisement

एकनाथ शिंदे 'धर्मवीर 2' या सिनेमात मुख्यमंत्री म्हणून दिसणार आहे. त्यामुळे शिंदेंच्या उठावाची कहाणी दुसऱ्या भागात उलगडणार का? असा प्रश्न उपस्थित होतो.

तसेच उद्धव ठाकरे यांचं पात्र असणार की वगळणार? याकडे सर्वांचं लक्ष लागलं आहे. 2024 मध्ये हा सिनेमा प्रेक्षकांच्या भेटीला येणार आहे.

'धर्मवीर 2' सिनेमाची निर्मिती करण्यात येणार असून दिग्दर्शनाची जबाबदारी प्रवीण तरडे निभावणार आहेत.

अभिनेता प्रसाद ओक (Prasad Oak) दिघे साहेबांची भूमिका साकारणार असून अन्य कलाकरांची नावे मात्र गुलदसत्यात ठेवण्यात आली आहे.