Colors Marathi Awards : ‘कलर्स मराठी अवार्ड्स 2022’ची धूम! पाहा कुणी कुणी मारली बाजी...

नुकताच ‘कलर्स मराठी अवार्ड 2022’चा सोहळा पार पडला. यात कलर्स मराठीवरील प्रेक्षकांच्या आवडत्या मालिकांनी पुरस्कार पटकावत बाजी मारली आहे.

या पुरस्कारांच्या शर्यतीत ‘लोकप्रिय भावंडं’ हा पुरस्कार ‘लेक माझी दुर्गा’ या मालिकेतील ‘दुर्गा-शिवानी’ या बहिणींनी पटकावला आहे.

लोकप्रिय शीर्षकगीताचा पुरस्कार दोन मालिकांना विभागून देण्यात आला आहे. हा ‘जय जय स्वामी समर्थ’ आणि ‘तुझ्या रूपाचं चांदनं’ या मालिकांना मिळाला आहे.

तर, सर्वोत्कृष्ट सुत्रसंचालकाचा पुरस्कार ‘बिग बॉस मराठी 3’साठी महेश मांजरेकर यांना देण्यात आला आहे.

‘लोकप्रिय आजी’चा पुरस्कार ‘जीव माझा गुंतला’ फेम मल्हारच्या आजीला मिळाला आहे.

लोकप्रिय वडील ‘जय जय स्वामी समर्थ’ मालिकेतील ‘चोळप्पा’ यांनी पटकावला.

लोकप्रिय सहाय्यक व्यक्तिरेखा (पुरुष) हा पुरस्कार विभागून देण्यात आला आहे. ‘तुझ्या रूपाचं चांदनं’ फेम ‘शंकर’ आणि ‘आई , मायेचं कवच’ फेम ‘भास्कर’ यांना हा पुरस्कार मिळाला आहे.

लोकप्रिय सहाय्यक व्यक्तिरेखा (स्त्री) हा पुरस्कार ‘राजा रानीची गं जोडी’मधील ‘बेबी मावशी’ला मिळाला आहे.

लोकप्रिय नकारात्मक पुरुष व्यक्तिरेखा हा पुरस्कार ‘सुंदरा मनामध्ये भरली’मधील दौलतला मिळाला आहे.

लोकप्रिय नकारात्मक स्त्री व्यक्तिरेखा ‘जीव माझा गुंतला’ मालिकेतील चित्राने पटकावला आहे.