In Pics : 'या' आठवड्यात प्रेक्षकांना मिळणार मनोरंजनाची मेजवानी; 'जादूगर' ते 'जनहित में जारी' ओटीटीवर होणार रिलीज

OTT

'कुंगफू पांडा - द ड्रॅगन नाईट' या वेबसीरिजचा पहिला सीझन14 जुलैपासून प्रेक्षकांना नेटफ्लिक्सवर पाहायला मिळणार आहे. या वेबसीरिजमध्ये अॅनिमेशन मार्शल आर्ट्स आहे.

पंचायत फेम जितेंद्र कुमारचा 'जादूगर' हा सिनेमा लवकरच प्रेक्षकांच्या भेटीला येणार आहे. 15 जुलैपासून नेटफ्लिक्सवर प्रेक्षक हा सिनेमा पाहू शकतात. या सिनेमात जितेंद्र मीनू नावाचे पात्र साकारत आहे.

सिनेमागृहात धुमाकूळ घातल्यानंतर 'जनहित में जारी' आता ओटीटी प्लॅटफॉर्मवर प्रदर्शित होणार आहे. 15 जुलैपासून हा सिनेमा प्रेक्षक झी 5 या ओटीटी प्लॅटफॉर्मवर पाहू शकतात. अनेक सामाजिक मुद्द्यांवर भाष्य करणारा हा सिनेमा आहे. या सिनेमात नुसरत भरुचा मुख्य भूमिकेत आहे.

'शूरवीर' ही वेबसीरिज 15 जुलैपासून प्रेक्षकांना डिज्नी प्लस हॉटस्टारवर पाहायला मिळणार आहे. या वेबसीरिजमध्ये प्रेक्षकांना थरार नाट्य आणि अॅक्शनचा तडका पाहायला मिळणार आहे.