PHOTO : सनी देओल नाही तर ‘हे’ आहे अभिनेत्याचं खरं नाव; करिअर आधीच बांधली होती लग्नगाठ!

सनीचे वडील धर्मेंद्र हे 70च्या दशकातील सुपरस्टार होते आणि त्यानेही ही परंपरा पुढे नेली. सनीने 1983मध्ये आलेल्या बेताब चित्रपटातून आपल्या करिअरची सुरुवात केली होती.

Sunny Deol

अॅक्शन स्टार सनी देओलचा (Sunny Deol) आज 65 वा वाढदिवस आहे. सशक्त अॅक्शन सीक्वेन्स आणि जबरदस्त संवादांसाठी ओळखला जाणारा सनी सध्या राजकारणी आणि अभिनेता अशा दोन्ही भूमिका करत आहे.

सनी देओलला 90च्या दशकात लोकांच्या मनामध्ये जागा मिळाली होती. जवळपास 100 चित्रपटांमध्ये काम केलेल्या सनीला लहानपणापासूनच वडील सुपरस्टार धर्मेंद्र यांच्यासारखे यशस्वी अभिनेता व्हायचे होते आणि वडिलांचीही तीच इच्छा होती.

19 ऑक्टोबर 1965 रोजी धर्मेंद्र आणि प्रकाश कौर यांच्या थोरल्या मुलाचा जन्म झाला. या मुलाचे नाव ठेवण्यात आले होते अजय सिंह देओल. नंतर लोक त्याला सनी म्हणू लागले. हे नाव इतकं प्रसिद्ध झाले की, अजय सिंह देओल पुढे सनी देओल म्हणूनच ओळखला जाऊ लागला.

सनीचे वडील धर्मेंद्र हे 70च्या दशकातील सुपरस्टार होते आणि त्यानेही ही परंपरा पुढे नेली. सनीने 1983मध्ये आलेल्या 'बेताब' चित्रपटातून आपल्या करिअरची सुरुवात केली होती.

रोमँटिक चित्रपटातून आपल्या करिअरची सुरुवात करणाऱ्या सनीची प्रतिमा अॅक्शन आणि एंग्री हिरो अशी झाली.

सनी देओलला बॉलिवूडचा सर्वात मोठा अॅक्शन हिरो म्हणून ओळखले जाते. अभिनयानंतर सनी देओलने राजकारणातही प्रवेश केला आहे. ते गुरुदासपूरचे खासदार आहेत.

पदार्पण करण्यापूर्वीच सनी देओलने पूजासोबत गुपचूप लग्न केले होते. 'बेताब' रिलीज होण्याआधी सनीच्या लग्नाची बाब लपवून ठेवण्यात आली होती. कारण त्याचा त्याच्या रोमँटिक इमेजवर नकारात्मक परिणाम होऊ शकत होता.

शूटिंगमधून ब्रेक घेऊन सनी पत्नीला भेटण्यासाठी लंडनला जायचा. नंतर सनीला मीडियासमोर आपण विवाहित असल्याची कबुली द्यावी लागली होती. (Photo : @ iamsunnydeol/IG)