PHOTO : Ajay Devgan पासून Sonakshi Sinha पर्यंत, 2021 मध्ये 'या' सेलिब्रिटींचं डिजिटल प्लॅटफॉर्मवर पदार्पण

सिल्वर स्क्रिनवर गाजलेले सेलिब्रिटी सध्या डिजिटल प्लॅटफॉर्मकडे वळताना दिसत आहेत. यापैकी काही सेलिब्रिटींनी पदार्पणातच डिजिटल प्लॅटफॉर्म गाजवला आहे. तर काही सेलिब्रिटी यंदाच्या वर्षी डिजिटल प्लॅटफॉर्मवर पदार्पण करणार आहेत. या यादीत बॉलिवूडच्या अनेक बड्या कलाकारांच्या नावाचा समावेश आहे. बॉलिवूडचा सिंघम अजय देवगणपासून अभिनेत्री सोनाक्षी सिन्हापर्यंत अनेक स्टार्स यंदाच्या वर्षात डिजिटल प्लॅटफॉर्मवर पदार्पण करणार आहेत. (Photo Credit : Social Media)

Ajay Devgan : अॅक्शन म्हटलं की, बॉलिवूडच्या काही कलाकारांची नावं आपल्या डोळ्यांसमोर येतात. त्यापैकी एक म्हणजे, अजय देवगण. आपल्या अॅक्शनपटासह तो बॉलिवूडमध्ये डेब्यू करणार आहे. अजय देवगण Rudra - The Edge Of Darkness मध्ये दिसून येणार आहे. ही एक क्राईम सिरीज असणार आहे. ज्यामध्ये अजय देवगणला पाहण्यासाठी चाहते उत्सुक आहेत. (Photo Credit : Social Media)

Madhuri Dixit : बॉलिवूडची धकधक गर्ल माधुरी दीक्षित यावर्षी Finding Anamika मधून आपला ओटीटी डेब्यू करणार आहे. एक महिला अचानक गायब होते आणि एक दिवस सापडते. त्यानंतर जे कथानक पडद्यावर उलगडतं ते खरंच अंगावर काटा आणणारं असतं. यामध्ये माधुरी दीक्षित महत्त्वाच्या भूमिकेत दिसून येणार आहे. (Photo Credit : Social Media)

Shahid Kapoor : शाहीद कपूर त्या स्टार्सपैकी एक आहे, जे यंदाच्या वर्षी डिजिटल डेब्यू करणार आहेत. दरम्यान, शाहीदच्या सिरीजचं टायटल अद्याप रिविल करण्यात आलेलं नाही. पण यासंदर्भात स्वतः शाहीदनं माहिती दिली असून सिरीजबाबत तो उत्साही असल्याचं पाहायला मिळत आहे. (Photo Credit : Social Media)

Sonakshi Sinha : सोनाक्षी सिन्हा एका पोलीस ऑफिसरच्या भूमिकेत डिजिटल प्लॅटफॉर्मवर पदार्पण करणार आहे. आपला पहिला लूक शेअर करत सोनाक्षीने सीरिजबाबत माहिती दिली होती. या सीरिजचं नाव fallen असणार आहे. (Photo Credit : Social Media)