बॉलिवूडची सुपरस्टार अभिनेत्री अजय देवगणच्या सासुबाई; सौंदर्याची खाण असलेल्या आईपुढे काजोलही फेल, पाहा PHOTos

Bollywood Actress Tanuja: बॉलिवूड सुपस्टार अजय देवगणच्या सासुबाई तनुजा, म्हणजे, कधीकाळी बॉलिवूड गाजवणारी सुपरस्टार अभिनेत्री.

Bollywood Actress Tanuja

Bollywood Actress Tanuja: बॉलिवूड सुपरस्टार अजय देवगणच्या सासुबाई म्हणजे, बॉलिवूडच्या दिग्गज अभिनेत्री तनुजा मुखर्जी. सुप्रसिद्ध अभिनेत्री काजोलची आई.

तनुजा मुखर्जी म्हणजे, 60 आणि 70 च्या दशकातील सर्वात सुंदर अभिनेत्रींपैकी एक. त्यांनी त्यांच्या संपूर्ण कारकिर्दीत असंख्य चित्रपटांमध्ये काम केलं.

तनुजा यांनी त्यांच्या आईची निर्मिती असलेल्या 'हमारी बेटी' या चित्रपटातून बाल कलाकार म्हणून कारकिर्दीला सुरुवात केली. हा चित्रपट 1950 मध्ये प्रदर्शित झाला. पहिल्याच सिनेमात त्यांनी केलेल्या अभिनयामुळे त्यांना मोठी प्रसिद्धी मिळाली.

1970 च्या दशकात, तनुजानं हिंदी चित्रपटसृष्टीवर राज्य केलं. राजेश खन्ना यांच्यासोबतची त्यांची जोडी हिंदी चित्रपटांमध्ये सुपरहिट ठरली, तर उत्तम कुमार आणि सौमित्र चॅटर्जी यांच्यासोबत त्यांनी काही बंगाली चित्रपटही केले. या अभिनेत्रीनं गुजराती, मराठी, मल्याळम आणि अनेक पंजाबी चित्रपटांमध्येही काम केलं.

वयाच्या 13 व्या वर्षी, हसिना इंग्रजी, फ्रेंच आणि जर्मन भाषा शिकण्यासाठी स्वित्झर्लंडला गेल्या. दरम्यान, 16 व्या वर्षी त्यांनी शिक्षण सोडलं आणि चित्रपट उद्योगात करिअर करण्याचा निर्णय घेतला.

Continues below advertisement

कॉलेजच्या दिवसांत, त्यांनी त्यांची आई शोभना समर्थ यांच्या कॉमेडी सिनेमातून पदार्पण केलं. 1958 मध्ये प्रदर्शित झालेल्या 'छबिली' चित्रपटातून त्यांनी बॉलिवूडमध्ये पदार्पण केलं. दरम्यान, 1961 मध्ये प्रदर्शित झालेल्या 'हमारी याद आयेगी' या चित्रपटानं त्यांना लोकप्रियतेच्या शिखरावर पोहोचवलं.

त्यांच्या तारुण्यात त्या अनेक तरुणांच्या गळ्यातील ताईत होत्या. आजही त्यांचे जुने फोटो पाहिले तर, त्यांचं लावण्यखणी सौंदर्य भूरळ घालतं. 70 च्या दशकात तनुजा जितक्या सुंदर होत्या, तितक्याच स्पष्टवक्त्या होत्या.

तनुजानं तिच्या कारकिर्दीत अनेक हिट चित्रपटांमध्ये काम केलं आहे. या यादीत 'हाथी मेरे साथी', 'प्रेम रोग', 'पैसा या प्यार', 'बेखुदी', 'अमीर गरीब' आणि 'मेरे जीवन साथी' सारख्या हिट चित्रपटांचा समावेश आहे.

राजेश खन्ना व्यतिरिक्त, अभिनेत्रीनं धर्मेंद्रसोबत अनेक चित्रपटांमध्ये काम केलं. अभिनेत्रीशी संबंधित एक प्रसिद्ध घटना म्हणजे, त्यांनी धर्मेंद्र यांना थोबाडीत मारलेली. एका चित्रपटाच्या शूटिंग दरम्यान, धर्मेंद्र तिच्याशी फ्लर्ट करत होते, ज्यामुळे तनुजा रागावल्या आणि त्यांनी थेट त्यांना थोबाडीत मारली.

यानंतर, अभिनेत्यानं तनुजाला त्याला आपला भाऊ म्हणून स्वीकारण्याची विनंती केली आणि नंतर दोघांमध्ये भावंडांसारखे नातं निर्माण झालं. शिवाय, तिनं तिच्या कारकिर्दीत अनेक प्रतिष्ठित पुरस्कार जिंकलं, ज्यात सर्वोत्कृष्ट अभिनेत्री आणि फिल्मफेअर जीवनगौरव पुरस्कार यांचा समावेश आहे.