अभिनेता सागर कारंडे ते शिवसेनेच्या दीपाली सय्यद; बिग बॉस 6 च्या स्पर्धकांची नावं समोर, रिलस्टार कोण?

Bigg Boss Marathi Season 6: बिग बॉस मराठीच्या नव्या सिझनमध्ये सागर कारंडे ते दीपाली सय्यदसह अनेक दिग्गज कलाकारांचा सहभाग

Bigg Boss Marathi Season 6

येत्या 11 जानेवारी 2026पासून बिग बॉस मराठी सिझन 6 प्रेक्षकांच्या भेटीस येणार आहे. हा शो कलर्स मराठीवर सायंकाळी ८ वाजता सुरू होईल. या सिझने होस्टिंग अर्थात महाराष्ट्राचे भाऊ रितेश देशमुख करणार आहेत.

दरम्यान, भाऊंच्या शब्दांचा फटका नेमका कुणाला बसणार? याची उत्सुकता चाहतेवर्गामध्ये शिगेला पोहोचली आहे.

यंदाची या शोची थिम 'स्वर्ग आणि नर्क' अशी असणार आहे. एका बाजूला स्पर्धकांना स्वर्गातील सुख मिळेल. तर, दुसऱ्या बाजूला स्पर्धकांना नर्कयातना भोगावे लागतील. यामुळे स्पर्धकांचे खरे चेहरे समोर येतील. ही थीम खरंच रंजक ठरणार आहे.

दरम्यान, यंदाच्या सिझनसाठी दिग्गज नावांवर शिक्कामोर्तब करण्यात आला आहे.

चला हवा येऊ द्या फेम, सागर कारंडे या सिझनमध्ये असणार आहे. बिग बॉसच्या या खेळात अभिनेता कसा टिकतो? हे पाहणं खरंच रंजक ठरेल.

Continues below advertisement

अभिनय आणि नृत्यातून प्रेक्षकांना भुरळ घालणारी अभिनेत्री दीपाली सय्यद बिग बॉ़सच्या घरात एन्ट्री करणार आहे.

शाळा वेबसिरीजमधून घराघरात पोहोचणारी अभिनेत्री अनुश्री माने देखील बिग बॉसच्या प्रवेश करणार आहे.

छत्रीवाली फेम अभिनेता संकेत पाठक लवकरच आपल्याला बिग बॉसच्या घरात दिसेल.

राधा मुंबईकर आणि रसिका जमसुतकर या दोन ग्लॅमरस तरूणी देखील बिग बॉसच्या घरात एन्ट्री करणार आहेत. राधाचे अनेक व्हिडिओ सोशल मीडियात व्हायरल होतात. मात्र, अद्याप या स्पर्धेत कोणत्याही रिल स्टारच्या नावाची अधिकृत माहिती समोर आलेली नाही.

दरम्यान, बिग ब़ॉस सिझन 6ची ट्रॉफी नेमकी कोण जिंकणार हे पाहणं औत्सुक्याचे ठरेल.