Bigg Boss Marathi 6: 70 झाले आता फक्त 30 दिवस बाकी! 'बिग बॉस मराठी'च्या ग्रँड फिनालेची तारीख ठरली?

दरम्यान ग्रँड फिनाले कधी होणार याविषयी सध्या सोशल मीडियावर तुफान चर्चा रंगली आहे.

bigg boss Marathi Finale

Bigg Boss Marathi 6: बिग बॉस मराठीच्या सहाव्या सीजनची सगळीकडे एकच चर्चा आहे. हा सीजन बराच वादग्रस्त ठरताना दिसतोय.

हेवेदावे, भांडणं, टास्क आणि चढाओढ यामुळे तर हा सीझन गाजलाच, पण त्याहीपेक्षा जास्त बाहेर आल्यानंतर बिग बॉस विषयी केलेल्या दाव्यावरून मोठी खळबळ उडाली होती.

बिग बॉसच्या घरातील स्पर्धकांचे 70 दिवस भरले आहेत. आता तीस दिवसांचा गेम राहिलाय. या सीजनचा विजेता कोण होणार याकडे सगळ्यांचेच लक्ष आहे.

सोशल मीडियावर चाहते विजेत्या स्पर्धकांच्या नावांचे अंदाज बांधू लागले आहेत. बिग बॉस मराठी 6 चा फिनाले कधी पार पडणार ? याविषयीही उत्सुकता ताणली गेली आहे.

दरम्यान ग्रँड फिनाले कधी होणार याविषयी सध्या सोशल मीडियावर तुफान चर्चा रंगली आहे.

Continues below advertisement

बिग बॉसच्या फिनालेच्या तारखेचा अंदाज चाहत्यांना या प्रोमोमुळे आलाय. या सीझनचा ग्रँड फिनाले 19 एप्रिल 2026 ला होण्याची शक्यता आहे.

ग्रँड फिनाले च्या तारखे विषयी सध्या जोरदार चर्चा सुरू असून फॅमिली वीकमध्ये वाइल्ड कार्ड एन्ट्री म्हणून आलेल्या संकेत पाठकच्या पत्नीने जाता जाता केलेल्या एका वाक्यामुळे प्रेक्षकांना फिनालेची हिंट मिळाली आहे. "आता आपण 19 एप्रिलला भेटू." असं म्हटल्याची चर्चा आहे

कलर्स मराठी वाहिनीकडून याबाबत अधिकृत माहिती समोर आलेली नाही. त्यामुळे फिनाले नेमका कधी असेल याची उत्सुकता कायम आहे.

आता शेवटच्या 30 दिवसांमध्ये बिग बॉसच्या घरातील स्पर्धकांना आणखी कठीण टास्क खेळावे लागणार आहेत. घरात शेवटी कोण टिकून राहतो आणि कोण घराबाहेर पडतो याकडे सर्वच चाहत्यांचे लक्ष लागले आहे.