मोठी बातमी : उदयनराजे भोसले बोलतोय! असं म्हणत अभिनेता आमिर खानची फसवणूक करण्याचा प्रयत्न

Actor Aamir Khan : खासदार उदयनराजे भोसले बोलतोय! असं म्हणत अभिनेता आमिर खानची फसवणूक करण्याचा प्रयत्न, नेमकं काय घडलं?

Actor Aamir Khan

खासदार उदयनराजे भोसले यांच्या नावाचा दुरुपयोग करून एका भामट्याने जानेवारी महिन्यापासून बॉलिवूड अभिनेता आमिर खानला संपर्क करण्यास सुरुवात केली.

मी स्वतः उदयनराजे बोलतोय असे भासवत "माझे काही लोक आपल्याला भेटायला येतील त्यांना मदत करा" असे फोन कॉल या आरोपीने आमिर खानला केले होते

पुण्यातील अली अमानत शेख असं या प्रकरणातील आरोपीचं नाव आहे.

या सर्व प्रकाराची माहिती आमिर खान यांच्या टीमने उदयनराजे भोसले यांचे निकटवर्तीय पंकज चव्हाण यांना दिली.

त्यानंतर पंकज चव्हाण यांनी स्वतः संशयित आरोपीला फोन करून या प्रकार समजून घेतला.

संबंधित आरोपी उदयनराजे भोसले बोलतोय अशी माहिती देत असल्याचे समोर आले..

याप्रकरणी अली अमानत शेख याच्या विरोधात शाहूपुरी पोलीस ठाण्यात गुन्हा दाखल करण्यात आला आहे.

या प्रकरणाचा सखोल तपास शाहूपुरी पोलीस करत आहेत.