Asha Bhosle Funeral: दैवी स्वर निःशब्द!आशा भोसलेंना अंतिम निरोप; मोठ्या पोलीस बंदोबस्तात अंत्ययात्रेला सुरुवात

आशा भोसले यांच्या जाण्याने संगीत क्षेत्रातला अढळ तारा निखळला आहे.

Asha BHosle Funeral

प्रसिद्ध पार्श्वगायिका आशा भोसले यांचे रविवारी दुपारी १२ च्या सुमारास निधन झाले. दक्षिण मुंबईतील ब्रीच कँडी रुग्णालयात त्यांनी ९२ व्या वर्षी अखेरचा श्वास घेतला.

गायिका आशा भोसलेंच्या (Asha Bhosle) निधनानंतर सिनेसृष्टीत शोककळा पसरली आहे. त्यांच्या सुमधूर आवाजानं प्रेक्षकांच्या मनात घर तयार केलं.

आशा भोसलेंच्या पार्थिवावर आज दुपारी 4 वाजता शिवाजी पार्क येथील स्मशानभूमीत शासकीय इतमामात अंत्यसंस्कार केले जाणार आहेत.

दरम्यान त्यांच्या निवासस्थानाहून शिवाजी पार्कच्या दिशेने त्यांची अंतयात्रा निघाली आहे.

आशा भोसले यांच्या अंतयात्रेला मोठा पोलीस बंदोबस्त आहे.

Continues below advertisement

एका बाजूचा संपूर्ण रस्ता अंतयात्रेसाठी मोकळा करण्यात आलाय. आशा ताईचे अखेरचे दर्शन घेण्यासाठी नागरिक थांबले आहेत.

अंत्यविधी जिथे होणार आहे तिथे मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे, व इतर महत्वाचे नेते, कलाकार, कुटुंबीय आले आहेत.

भारतरत्न आणि 'गानसम्राज्ञी' लता मंगेशकर यांची लहान बहीण असलेल्या आशा भोसले यांना हिंदी सिनेसृष्टीची वर्सटाईल गायिका म्हणून ओळखलं जायचं.

तब्बल सहा दशकं त्यांनी इंडस्ट्रीत आपल्या गाण्यांना आवाज दिलाय. आशा भोसले यांच्या निधनाने संपूर्ण देश शोकाकुल आहे.