प्रेमाच्या लाल रंगात नवदाम्पत्याने बांधली साताजन्माची गाठ; अर्जुन - सानियाच्या लूकवर खिळल्या नजरा, पाहा Unseen PHOTOs

Arjun Tendulkar Saniya Chandok look: अर्जुन तेंडुलकर आणि सानिया चंडोक यांचा भव्य विवाह सोहळा पार पडला. दोघांनीही पारंपारिक लूक कॅरी केला होता.

Arjun Tendulkar Saniya Chandok Wedding look

क्रिकेटपटू सचिन तेंडुलकरचा मुलगा अर्जुन तेंडुलकरनं सानिया चंडोकसोबत विवाह केला. दोघांनी सुंदर पोशाख परिधान केला होता. नवविवाहित जोडपे लाल रंगाच्या पेहरावात सुंदर दिसत होते. या लग्नसोहळ्यात दिग्गज कलाकार उपस्थित होते.

अमिताभ बच्चनपासून शाहरुख खानपर्यंत बॉलिवूडचे अनेक कलाकार लग्नसोहळ्यात उपस्थित होते. तसेच उद्योगती, क्रिडा विश्वातील खेळाडू आणि इतर दिग्गज मंडळी उपस्थित होते.

अर्जुन तेंडुलकरचा लग्नाचा लूक पूर्णपणे पारंपारिक आणि राजेशाही होता. अर्जुनने सिंपल लूक कॅरी केला होता. त्यानं गडद लाल रंगाची शेरवानी परिधान केली होती.

ही शेरवानी हाय कॉलर फ्रंट बटन डिझाइन होती. हा लूक पूर्णपणे क्लासी होता. या लूकमध्ये अर्जुनचा राजेशाही थाट पाहायला मिळाला.

तर, सानिया चंडोकचा वेडिंग लूक प्रचंड सुंदर आणि आकर्षक होता. तिनं सोनेरी लाल रंगाची साडी नेसली होती. रिच फॅब्रिक आणि क्लासिक कलर कॉम्बिनेशनमुळे साडी सानियावर उठून दिसत होती.

तिनं सिंपल आणि क्लासिक ज्वेलरी परिधान केली होती. दोघेही या लूकमध्ये खूप सुंदर दिसत होते. दोघांच्या लग्नाचे फोटो सध्या सोशल मीडियात व्हायरल होत आहे.

अर्जुन आणि सानियाच्या लग्नात शाहरुख खान आपली पत्नी आणि मुलगी सुहानासोबत उपस्थित होता. शाहरुखने एथनिक पोशाख परिधान केला होता. तर, बिग बी अमिताभ बच्चन आणि जया बच्चन यांनीही या लग्नसोहळ्यात हजेरी लावली होती.

तर, या लग्नसोहळ्यात अभिषेक बच्चन आणि ऐश्वर्या राय बच्चन देखील दिसली. या लग्न सोहळ्यातील दिग्गज कलाकारांचे फोटो सध्या सोशल मीडियात व्हायरल होत आहेत.