Aishwaryaa Rajinikanth : रजनीकांत यांच्या लेकीच्या घरी चोरी!

Aishwarya Rajinikanth Filed Complained : रजनीकांत यांची लेक ऐश्वर्याचे लाखो रुपयांचे दागिने चोरीला गेले आहेत

Aishwarya Rajinikanth Filed Complained

दाक्षिणात्य सुपरस्टार रजनीकांत (Rajinikanth) यांची मोठी मुलगी ऐश्वर्याच्या (Aishwarya Rajinikanth) घरातून लाखो रुपये किंमतीचे दागिने चोरीला गेले आहेत.

या प्रकरणी ऐश्वर्याने तीनमपेट पोलीस ठाण्यात तक्रार दाखल केली आहे. सध्या पोलीस या प्रकरणाचा तपास घेत आहेत.

चोरीला गेलेल्या दागिन्यांमध्ये डायमंडचा हार, अॅंटिक सोन्याचे दागिने, नवरत्न सेट, अॅंटिक डायमंड सेट, आरम नेकलेस आणि बांगड्यांचा समावेश आहे.

बहिणीच्या लग्नात दागिने वापरल्यानंतर ते लॉकरमध्ये ठेवले असल्याचं ऐश्वर्याने सांगितलं. या दागिन्यांची किंमत 3.60 लाख असल्याची नोंद तक्रारीत करण्यात आली आहे.

आयपीसी कलम 381 नुसार आता पोलीस या प्रकरणाचा तपास घेत आहेत. चोरी झालेले दागिने ऐश्वर्याने शेवटचे 2019 साली बहिणीच्या लग्नात शेवटचे वापरले होते.

त्यानंतर हे दागिने लॉकरमध्येच होते. पण आता हे दागिने गायब झाल्याचं लक्षात आल्यानंतर ऐश्वर्याने तक्रार दाखल केली आहे.

ऐश्वर्याने लॉकरमध्ये दागिने ठेवले आहेत याबद्दल घरात काम करणाऱ्या काही मंडळींना माहिती होतं. त्यामुळे आता घरी काम करणाऱ्या तीन जणांवर ऐश्वर्याने संशय व्यक्त केला आहे

ऐश्वर्या घरात नसतानाही काम करणारा स्टाफ घरी असायचा. लॉकरच्या चाव्या कोणत्या कपाटात आहेत याबद्दल काही स्टाफला माहिती होतं, असं ऐश्वर्याने तक्रारीत नमूद केलं आहे.

ऐश्वर्याची बहिण 2019 मध्ये लग्नबंधनात अडकली. त्यानंतर दागिने असलेलं लॉकर तीन ठिकाणी हलवण्यात आलं. 2019 ते 2021 पर्यंत हे लॉकर सेंट मेरी रोड येथील अपार्टमेंटमध्ये होतं. त्यानंतर ते सीआयटी कॉलनीत हलवण्यात आलं.