PHOTO : प्रार्थनाचं सुंदर रूप पाहून चाहतेही म्हणतायत, ‘इश्क का रंग सफेद...’

Prarthana Behere

मराठमोळी अभिनेत्री प्रार्थना बेहेरे सध्या झी मराठी वाहिनीवरील ‘माझी तुझी रेशीम गाठ’ या मालिकेत नेहा बनून प्रेक्षकांची मने जिंकत आहे.

अभिनेता श्रेयस तळपदे (Shreyas Talpade) आणि अभिनेत्री प्रार्थना बेहरे (Prarthana Behere) या मालिकेत मुख्य भूमिकेत दिसत आहेत.

सोशल मीडियावर सक्रिय असणारी प्रार्थना आपले फोटो आणि व्हिडीओ शेअर करत चाहत्यांशी कनेक्टेड राहत असते.

नुकतेच अभिनेत्रीने एक खास फोटोशूट केले आहे. या फोटोशूटमधील काही खास फोटो तिने चाहत्यांसोबत शेअर केले आहेत.

पांढरी साडी, हिरवा ब्लाऊज, मोकळे केस, हलका मेकअप आणि खट्याळ अदांनी प्रार्थना चाहत्यांचे लक्ष वेधून घेत आहे. प्रार्थनाचं हे सुंदर रूप फोटोग्राफर आर्तिक कवाडकर यांनी आपल्या कॅमेरात कैद केलं आहे.

मालिकांबरोबरच ‘कॉफी आणि बरेच काही’, ‘मिस्टर आणि मिसेस सदाचारी’ या मराठी चित्रपटांतही प्रार्थना झळकली होती.

'माझी तुझी रेशीमगाठ' ही मालिका सध्या रंजक वळणावर पोहोचली आहे. यशच्या प्रेमात असलेल्या नेहासाठी आता सगळं वातावरण गुलाबी झालं आहे. लवकरच मालिकेत नावी ट्विस्ट पाहायला मिळणार आहे. (Photo : @prarthana.behere/IG)