अभिनेते क्रिशन कुमार यांच्या मुलीची कर्करोगासोबतची झुंज अपयशी, सिनेसृष्टीत हळहळ!

नव्वदीच्या दशकात काही चित्रपटांमध्ये झळकलेले अभिनेते आणि टी-सीरिज या कंपनीने सह-मालक क्रिशन कुमार (Krishan Kumar) यांची मुलगी तीशा कुमार (Tishaa Kumar) हिचे निधन झाले आहे.ती अवघ्या 21 वर्षाची होती.

कॅन्सरसोबत सुरू असलेली तिची झुंज अपयशी ठरली.तीशा कुमारच्या निधनाने सिनेसृष्टीत हळहळ व्यक्त करण्यात येत आहे.तीशा कुमार हिच्यावर जर्मनीत उपचार सुरू होते. मात्र,उपचारादरम्यान तिची प्राणज्योत मालवली.

तीशा कुमार ही सिनेजगताच्या ग्लॅमरस झगमगाटापासून दूर होती.अॅनिमल या चित्रपटाच्या एका पार्टीत तिने वडील क्रिशन कुमार यांच्यासोबत दिसली होती.त्यावेळी तिने सगळ्यांचे लक्ष वेधून घेतले होते.

काही महिन्यांपूर्वी तीशा कुमारला कर्करोगाचे निदान झाले होते.त्यानंतर तिच्यावर उपचार सुरू करण्यात आले.तीशाला पुढील उपचारासाठी जर्मनीतील रुग्णालयात दाखल करण्यात आले होते.

त्यानंतर गुरुवारी रात्री उशिरा रुग्णालयात उपचारा दरम्यान तिची प्राणज्योत मालवली. तीशाची कर्करोगासोबतची झुंज अपयशी ठरल्याने सगळीकडे हळहळ व्यक्त करण्यात येत आहे.

तीशा कुमार हीचा जन्म 6 सप्टेंबर2003 रोजी झाला होता.तीशा कुमारचं शिक्षण राजस्थानमधील जोधपूर येथे झालं होतं.