Aamir Khan Meet Santosh Deshmukh Family: डोळे पुसले, विराज देशमुखला कडकडून मिठी मारली अन्...; आमिर खानकडून संतोष देशमुखांच्या मुलाचं सांत्वन

Aamir Khan Meet Santosh Deshmukh Family: बीडमध्ये सरपंच संतोष देशमुखांच्या हत्येचे पडसाद फक्त महाराष्ट्रातच नाहीतर संपूर्ण देशभरात उमटले. याप्रकरणानं सर्वांनाच धक्का बसला.

Aamir Khan Meet Santosh Deshmukh Family

संतोष देशमुख हत्या प्रकरणा वाल्मिक कराडला अटक करण्यात आली, तर या प्रकरणामुळेच राज्याचे मंत्री आणि राष्ट्रवादी काँग्रेस (अजित पवार गटाचे) आमदार धनंजय मुंडे यांना आपल्या मंत्रीपदाचा राजीनामा द्यावा लागला.

याप्रकरणानं संपूर्ण देश हळहळला. देशमुख कुटुंबीयांची आर्त हाक ऐकून सर्वांच्या काळजाला वेदना झाल्या. तसेच, या प्रकरणाच्या चार्जशीटमधले हत्येच्या दिवशीही काही फोटो व्हायरल झाले आणि संपूर्ण महाराष्ट्र हळहळला.

संतोष देशमुखांच्या शरीराची अवहेलना करत, हाल-हाल करुन त्यांची नराधमांनी अमानुषपणे, अत्यंत निर्घृणपणे हत्या केली. अशातच आता बॉलिवूडचा मिस्टर परफेक्शनिस्ट आमिर खाननं देशमुख कुटुंबीयांची भेट घेत त्यांचं सांत्वन केलं आहे.

पुण्यातील बालेवाडी स्टेडियममध्ये रविवारी दुपारी पाणी फाऊंडेशनचा कार्यक्रम पार पडला. हा कार्यक्रम म्हणजे, पाणी फाऊंडेशनचा फार्मर कप पुरस्कार वितरण सोहळा होता.

या कार्यक्रमाच्या वेळी मस्साजोगचे दिवंगत सरपंच संतोष देशमुख यांचे कुटुंबीय उपस्थित होते. त्याचवेळी देशमुख कुंटुंबीय आणि आमिर खान यांची भेट झाली.

पुण्यात बालवाडी स्टेडियम येथे पाणी फाऊंडेशन च्या कार्यक्रमात अमिर खान यांनी धनंजय देशमुख, संतोष देशमुख यांचा मुलगा विराज देशमुख यांची भेट घेऊन सांत्वन केलं.

संतोष देशमुखांचे बंधू धनंजय देशमुख आणि संतोष देशमुखांचा मुलगा विराज देशमुख यांची अभिनेता आमिर खानची भेट घेतली.

बराच काळ आमिर खान देशमुख कुटुंबीयांसोबत चर्चा करत होता.

आमिर खानशी बोलताना, काही गोष्टी सांगताना संपूर्ण देशमुख कुटुंबियांच्या डोळ्यांच्या कडा पाणावलेल्या होत्या. आमिर खाननं संतोष देशमुखांचा मुलगा विराज देशमुख याला कडकडून मिठी मारली आणि त्याचं सांत्वन केलं.

देशमुख कुटुंबियांशी बोलताना आमिर खाननं काहीसा भावूक झाल्याचं पाहायला मिळालं. तसेच, पाणावलेल्या डोळ्यांनी आमिर खान विराज देशमुखला मिठीत घेऊन त्याचं सांत्वन करत होता.

आमिर खाननं काही वेळ देशमुख कुटुंबाशी चर्चा खरच सांत्वन केले यावेळी किरण राव याही उपस्थित होत्या.