90च्या दशकातील ग्लॅमर क्वीननं घेतला संन्यास; पुन्हा TVवर कमबॅक करणार? भारती सिंहच्या शोमध्ये दिसली

Mamta Kulkarni red saree look viral photos: ममता कुलकर्णी अलिकडेच भारती सिंहच्या लाफ्टर शेफ्सच्या सेटवर दिसली. तिची पुन्हा एकदा सिनेविश्वात पुनरागमनाची चर्चा सोशल मीडियात रंगली आहे.

Is Mamta Kulkarni returning to Bollywood

Is Mamta Kulkarni returning to Bollywood: 90दशकात आपल्या ग्लॅमरस अभिनयाने लाखो लोकांना मंत्रमुग्ध करणारी अभिनेत्री ममता कुलकर्णी पुन्हा एकदा चर्चेत आली आहे. गेल्या वर्षी महाकुंभमेळ्यात तिनं संन्यास घेतला होता. बराच काळ प्रसिद्धीच्या झोतात राहिल्यानंतर, ती आता पु्न्हा लोकप्रिय टीव्ही रिअॅलिटी शोमधून परतणार असल्याची चर्चा आहे.

ममता कुलकर्णी अलिकडेच लोकप्रिय टीव्ही रिअॅलिटी शो लाफ्टर शेफ्सच्या सेटवर दिसली. तिचे फोटो सोशल मीडियात व्हायरल होत आहे.

ममता कुलकर्णीचा चाहतावर्ग खूप मोठा आहे. तिनं बोल्ड अदांनी सर्वांना मंत्रमुग्ध केलंय तिचे 90च्या काळात बरेच चित्रपट हिट झाले होते.

अलिकडच्या काळात तिनं अध्यात्माचा मार्ग निवडला. परंतु, ती आता पुन्हा एकदा सिनेजगतात वळणार असल्याचं बोललं जात आहे. भारती सिंहने होस्ट केलेल्या लाफ्टर शेफ्सच्या सेटवर ममता कुलकर्णी दिसली. यामुळे तिच्या चाहत्यांना मोठा धक्का बसला.

लाफ्टर शेफ्सच्या सेटवर ममता कुलकर्णीचा अगदी पूर्णपणे वेगळा लूक पाहायला मिळाला. जरी तिनं यावेळी पारंपारिक साध्वी पोशाख परिधान केला नव्हता, तरी तिच्या पोशाखातून तिची धार्मिक भक्ती स्पष्टपणे दिसून येत होती.

Continues below advertisement

तिनं लाल रंगाची सुंदर साडी नेसली होती. तिच्या कपाळावर त्रिपुंड दिसले. हे चिन्ह तिच्या अध्यात्माची साक्ष देत होते.

लाफ्टर शेफ्सच्या शोमध्ये टीव्ही कलाकारांची धम्माल अन् मस्ती पाहायला मिळते. कुकिंगसह कॉमे़डीचा तडका पाहायला मिळतो. दरम्यान, ममताच्या उपस्थितीमुळे या शोला चारचांद लागले. तिच्या पुनरागमनाची चर्चा रंगू लागली.

90च्या दशकातील या हिट अभिनेत्रीचे संपूर्ण परिवर्तन खरोखरंच आश्चर्यकारक होते. बॉलिवूडमधून ब्रेक घेतल्यानंतर तिनं स्वत:ला पूर्णपणे आध्यात्मिक साधनेत वाहून घेतले.