राजा सारखं जवळ येतोय.. सोनमच्या चॅट्समध्ये प्रियकरासोबतचे धक्कादायक खुलासे सापडले

Raja Raghuwanshi Case: सोनम रघुवंशीसह चार अन्य आरोपी सध्या पोलिस कोठडीत आहेत. मेघालय पोलिस त्यांना आपल्या ताब्यात घेऊन गेले आहेत.

Raja Raghuwanshi Case

इंदौरमधल्या राजा रघुवंशी हत्या प्रकरणाची सध्या देशभरात चर्चा आहे. मधूचंद्रासाठी गेलेले राजा आणि सोनम बेपत्ता झाले. नंतर राजा रघुवंशीचा आपला प्रियकर राज आणि इतर दोन मारेकऱ्यांच्या सोबतीनं सोनमनं खून केला.

या प्रकरणात अनेक धक्कादायक खुलासे समोर आले. यात पत्नी सोनमने उत्तरप्रदेशच्या गाझीपूरमध्ये आत्मसमर्पण केलं. सोनमनं आपलं अपहरण झाल्याचा बनाव केला. मात्र समोर आलेल्या सीसीटीव्ही आणि सोनमच्या चॅट्समधून वेगळंच समोर आलं.

लग्नाच्या तीन दिवसांनंतरच सोनमनं राजा रघुवंशीला ठार मारण्याची योजना आखली. सोनम आणि तिचा प्रियकर राज कुशवाह याच्या चॅट्समधून दोघे एकमेकांच्या संपर्कात असल्याचं समोर आलं.

या चॅट्समध्ये राजा माझ्या जवळ येत आहे, हे मला आजीबात आवडत नसल्याचं सोनम प्रियकर राज कुशवाह याला सांगत असल्याच्या चॅट्स समोर आल्या आहेत.

सोनम आणि राजाचा विवाह 11 मे रोजी इंदौरमध्ये झाला.20 मे रोजी ते मेघालयला रवाना झाले आणि 23 मे रोजी बेपत्ता झाले. 2 जून रोजी राजाचा मृतदेह मेघालयच्या पूर्व खासी हिल्स जिल्ह्यातील सोहरा भागात खोल दरीत कुजलेल्या अवस्थेत सापडला.

राजाच्या शवविच्छेदनात त्याच्यावर धारदार शस्त्रानं वार झाल्याचं समोर आलं. सोनम गाझीपूरला कशी पोहोचली? याचा तपास पोलीस करत आहेत. यातही सीसीटीव्ही कॅमेऱ्यांचा तपास सुरु आहे.

सोनमनं राजा रघुवंशीला मारण्यासाठी राज कुशवाहासोबत आणखी दोघांना सुपारी दिली. या सगळ्या घटनाक्रमामध्ये आता आणखी नवनवे धक्कादायक पुरावे आणि खुलासे समोर येत आहेत.