Ketan Agarwal Siya Goyal Photos : केतनसोबत सिया गोयलचे साखरपुडा, डेटवरील फोटो, तिच्या नकारावर अन् कृत्यावर विश्वासच बसणार नाही

Ketan Agarwal Siya Goyal Photos : सिया आणि केतन यांचा साखरपुडा फेब्रुवारी महिन्यात झालेली. नोव्हेंबर मध्ये उदयपूर याठिकाणी दोघांचा भव्य विवाहसोहळ होणार होता.

Ketan Agarwal Siya Goyal Photos

सध्या सोशल मीडियापासून ते राजकीय आणि व्यावसायिक वर्तुळापर्यंत केवळ दोनच नावांची चर्चा सुरू आहे, ती म्हणजे केतन अग्रवाल आणि सिया गोयल!

एका नामांकित, श्रीमंत तरुण उद्योजकाचा झालेला रहस्यमय मृत्यू आणि त्यानंतर समोर आलेला त्याच्याच होणाऱ्या पत्नीचा क्रूर चेहरा, याने सर्वांचेच डोके सुन्न केले आहे.

घरच्यांच्या सांगण्यावरून सियाने केतनसोबत साखरपुडा तर थाटला, पण तिच्या मनात नेमका कोणता भयानक कट शिजत होता, याची कल्पना तिच्या किंवा केतनच्या कुटुंबियांना दूरदूरपर्यंत नव्हती.

फेब्रुवारी २०२६ मध्ये केतन आणि सिया यांचा साखरपुडा अत्यंत शाही थाटात पार पडला होता. या सोहळ्याचे अनेक फोटो आणि व्हिडिओ सोशल मीडियावर तुफान व्हायरल झाले होते.

कॅमेऱ्यासमोर एकमेकांकडे बघून हसणारे, एकमेकांचा हात हातात घेणारे केतन आणि सिया हे एक 'परफेक्ट कपल' वाटत होते.

Continues below advertisement

सोशल मीडियावरील त्यांचे रील आणि रोमँटिक फोटो पाहून दोघे एकमेकांमध्ये किती गुंतले आहेत, असाच भास सर्वांना होत होता. पण "दिसतं तसं नसतं" या उक्तीची प्रचिती या प्रकरणात आली.

केतनच्या प्रेमात हसणारी सिया प्रत्यक्षात त्याच्या मृत्यूची 'स्क्रिप्ट' लिहीत होती, हे कोणालाच ठाऊक नव्हते.

अग्रवाल आणि गोयल कुटुंबियांनी या विवाहासाठी पाण्याचे पैशासारखे पाणी केले होते. येत्या नोव्हेंबर महिन्यात उदयपूर येथील एका हॉटेलमध्ये विवाहसोहळा संपन्न होणार होता.

दोन्ही मुले सुखात आहेत आणि त्यांचे भविष्य उज्ज्वल आहे, याच आनंदात दोन्हीकडचे आई-वडील लग्नाच्या तयारीत व्यस्त होते.

आता पोलिसांच्या तपासात जो उलगडा झाला आहे, त्यानुसार सोशल मीडियावर दिसणारे सियाचे प्रेम हे केवळ एक बनाव आणि नाटक होते.

सियाला श्रीमंत उद्योजक केतन अग्रवालसोबत संसार थाटण्यात अजिबात रस नव्हता. तिचे सूत आधीपासूनच चेतन चौधरी नावाच्या एका तरुणाशी जुळले होते.

ती चेतनच्या प्रेमात वेडी झाली होती आणि तिला तिच्या उर्वरित आयुष्य केतनसोबत नव्हे, तर चेतनसोबतच घालवायचे होते.

केतन जिवंत असेपर्यंत आपल्याला चेतनसोबत सुखाने जगता येणार नाही, हे ओळखून सिया आणि चेतनने केतनला कायमचे मार्गातून हटवण्याचा अत्यंत थंड डोक्याने कट रचला.

१८ जून रोजी केतनला फिरण्याच्या बहाण्याने लोहगड किल्ल्यावर नेण्यात आले. तिथे योग्य संधी साधून, एका निर्जन कड्यावरून सिया आणि चेतनने केतनला थेट ४०० फूट खोल दरीत ढकलून दिले.

सुरुवातीला हा ट्रेकिंग दरम्यान झालेला एक दुर्दैवी 'अपघात' आहे, असाच देखावा आरोपींनी केला.

पोलिसांनीही सुरुवातीला अपघाती मृत्यूची नोंद केली होती. मात्र, तांत्रिक तपास, मोबाईल लोकेशन आणि पुणे ग्रामीण पोलिसांच्या कसून केलेल्या चौकशीसमोर सियाचा हा खोटारडेपणा फार काळ टिकू शकला नाही.

अखेर हुशार पोलिसांच्या चक्रव्यूहात अडकलेल्या सियाने आपणच प्रियकर चेतनच्या मदतीने केतनची हत्या केल्याची कबुली दिली.