Chhatrapati Sambhaji nagar Crime news: छत्रपती संभाजीनगरमध्ये इन्स्टाग्रामवर भाईगिरीचे रील टाकणाऱ्या तरुणांची पोलिसांनी काढली धिंड

Maharashtra Crime news: इन्स्टाग्रामवर धारदार शास्त्र घेऊन रील काढून दहशत गाजवणं तरुणांना भोवलं. पोलिसांनी काढली शहरभर धिंड, छत्रपती संभाजीनगरमध्ये पोलिसांनी भाईंचा माज उतरवला.

Chhatrapati Sambhaji nagar Crime

तुम्हीही INSTAGRAM वर चुकीचे व्हिडिओ टाकत असाल तर सावधान. कारण छत्रपती संभाजीनगरच्या पाचोड परिसरात हुल्लडबाज तरुणांकडून इंस्टाग्रामवरती रिल्स काढून दहशत पसरवण्याचा प्रयत्न करण्यात आला होता. या सगळ्यांना पोलिसांनी इंगा दाखवला.

हातात धारदार शस्त्र घेऊन सोशल मीडियावर रिल्स काढण्यात आली होती. यानंतर पोलिसांनी तात्काळ इंस्टाग्रामवर या तरुणाच्या रील पाहून या तरुणांना ताब्यात घेतले.

इन्स्टावरील अनेक रिल्समध्ये काही तरुण कमरेला कट्टा, हातात कोयता, धारदार शस्त्र घेऊन, कॉलर उडवत रील व्हायरल करत होते.

पाचोड पोलिसांनी यांना ताब्यात घेतले असून, या तरुणांची पाचोड येथील पाचोड पैठण चौकातून धिंड काढत पोलीस ठाण्यात नेण्यात आले.

इंस्टाग्रामवर भाईगिरी करणाऱ्या तरुणांची पोलिसांनी चौकातून धिंड काढत भाईगिरी उतरवली.