Zomato Offer: ग्राहकांसाठी झोमॅटोने पुन्हा लाँच केली 'ही' जुनी ऑफर

ऑनलाइन फूड डिलिव्हरी कंपनी झोमॅटोने ग्राहकांना आपल्याकडे ओढण्यासाठी पुन्हा एकदा जुनी ऑफर लाँच केली आहे.

झोमॅटोने Zomato Gold ही ऑफर लाँच केली आहे. त्यानुसार, युजर्सना डायनिंग आणि फूड डिलीव्हरीवर सवलत दिली जाणार आहे.

या ऑफरसाठी ग्राहकांना तीन महिन्यांसाठी 149 रुपये मोजावे लागणार आहेत.

Zomato Gold ऑफर घेणाऱ्यांना 10 किमी अंतरात अनलिमिटेड फूड डिलीव्हरीचा लाभ मिळणार आहे. झोमॅटो गोल्ड हे जुने नाव असले तरी ब्रांड न्यू मेंबरशिप आहे.

यामध्ये ग्राहकांना फ्री डिलिव्हरीचा लाभ मिळणार आहे. त्याशिवाय, पिक टाइममध्ये व्हीआयपी अॅक्सेससह इतरही फायदे मिळणार आहेत.

ज्या ग्राहकांकडे प्रो अथवा प्रो प्लस मेंबरशिप एडिशन कार्डसह मिळाली आहे. त्यांची मेंबरशिप 23 फेब्रुवारी 2023 पर्यंत अॅक्टिव्ह राहिल.

त्यानंतर त्यांना झोमॅटो गोल्डची तीन महिन्यांची मेंबरशिप दिली जाईल.

झोमॅटोने आपली 10 मिनिटात फूड डिलिव्हरी करणारी Zomato Instant स्किम सध्या गुंडाळली आहे.

दिल्ली एनसीआर आणि बंगळुरूमध्ये Zomato Instant ही सुविधा सुरू केली होती.

मात्र, Zomato Instant ला ग्राहकांकडून फारसा मोठा प्रतिसाद मिळाला नाही. त्यामुळे किमान खर्च ही वसूल होत नव्हता.

कंपनीकडून Zomato Instant ही खास सुविधा कालांतराने पुन्हा एकदा रिलाँच करणार असल्याचे सांगण्यात येत आहे.