Share Market : सेन्सेक्स 200 अंकांनी कोसळला मात्र गुंतवणूकदारांनी 2.5 लाख कोटी कमावले, स्मॉल कॅप शेअरधारकांची जोरदार कमाई

Share Market : आयटी कंपन्यांच्या शेअरची जोरदार विक्री झाल्यानं सेन्सेक्स आणि निफ्टीमध्ये घसरण झाली. मात्र, बीएसईचं बाजारमूल्य वाढल्याचं दिसून आलं.

शेअर बाजारात घसरण मात्र गुंतवणूकदारांची जोरदार कमाई

आयटी कंपन्यांच्या स्टॉक्सची विक्री झाल्यानं सेन्सेक्स आणि निफ्टी 50 मध्ये घसरण झाली. सेन्सेक्स 200 अंकांनी तर निफ्टी 50 निर्देशांक 42 अंकांनी घसरला. निफ्टी 50 निर्देशांक 25000 हजारांच्या पार राहण्यात यशस्वी ठरला. ब्रॉडर शेअर मार्केटचं चित्र वेगळं पाहायला मिळालं. कारण बीएसई स्मॉलकॅप 1.18 टक्के आणि मिडकॅप इंडेक्स 0.85 टक्क्यांनी वाढून बंद झाला.स्मॉल कॅप आणि मिड कॅप शेअरमध्ये सलग पाचव्या दिवशी तेजी दिसून आली.

संरक्षण क्षेत्रातील कंपन्यांच्य स्टॉक्समध्ये सलग सहाव्या दिवशी तेजी दिसून आली. रेल्वे, रिअल इस्टेट, ऊर्जा, कॅफिटल गुड्स आणि यूटिलिटी शेअरमध्ये जोरदार खरेदी झाली. यामुळं गुंतवणूकदारांच्या संपत्तीत 2.5 लाख कोटींची वाढ झाली.

बाजार बंद झाला तेव्हा बीएसई सेन्सेक्स 200.15 अंकांनी घसरुन 82330.59 वर बंद झाला. तर, एनएसई वरील निफ्टी 50 निर्देशांक 42.30 अकांनी घसरुन 25019.80 वर बंद झाला.

बीएसईवर लिस्ट असलेल्या कंपन्यांचं बाजारमूल्य 442.74 लाख कोटी इतकं झालं. काल जेव्हा बाजार बंद झाला तेव्हा बीएसईचं बाजारमूल्य 440.19 लाख कोटी रुपये होते. म्हणजेच आज 2.55 लाख कोटींनी बाजारमूल्य वाढलं.

सेन्सेक्सवरील टॉप 30 पैकी 16 शेअरमध्ये तेजी पाहायला मिळाली. इटर्नलच्या शेअरमध्ये 1.38 टक्के तेजी दिसून आली. हिंदुस्तान यूनिलीव्हर, एशियन पेंटस, आयटीसी, टाटा मोटर्सच्या शेअरमध्ये सर्वाधिक तेजी पाहायला मिळाली. भारती एअरटेल, एचसीएल टेक, स्टेट बँक ऑफ इंडिया, टेक महिंद्रा, इन्फोसिस, च्या शेअरमध्ये घसरण झाली.

बॉम्बे स्टॉक एक्सचेंजवर आज 2616 शेअरमध्ये तेजी पाहायला मिळाली तर 1370 शेअरमध्ये घसरण झाली. 140 शेअरमध्ये बदल झाला नाही. तर, 83 शेअरनं 52 आठवड्यांचा उच्चांक गाठला तर, 27 शेअरनं 52 आठवड्यांचा निचांक गाठला. 350 शेअरला अप्पर सर्किट लागलं.132 कंपन्यांच्या स्टॉकला लोअर सर्किट लागलं. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)