Railway Fare: मेल-एक्स्प्रेसच्या तिकिटांच्या दरात वाढ; मुंबईतील लोकल प्रवाशांना दिलासा, भारतीय रेल्वेची मोठी घोषणा

Railway Fare: भारतीय रेल्वेने मेल-एक्स्प्रेसच्या तिकिटांच्या दरात वाढ करण्याची मोठी घोषणा केली.

Railway Fare

भारतीय रेल्वेने मेल-एक्स्प्रेसच्या तिकिटांच्या दरात वाढ करण्याची मोठी घोषणा केली.

रेल्वेकडून ही भाडेवाढ 26 डिसेंबर 2025 पासून लागू केली जाणार आहे.

विशेषतः रेल्वेने लांब पल्ल्याचा प्रवास करणाऱ्या प्रवाशांना आता प्रवासासाठी जास्त पैसे मोजावे लागणार आहे.

ऑर्डिनरी क्लास'मध्ये 215 किलोमीटरपेक्षा कमी प्रवासासाठी कोणताही अतिरिक्त भार टाकण्यात आलेला नाही, म्हणजेच या अंतरासाठी भाड्यात कोणतीही वाढ केलेली नाही.

215 किलोमीटरपेक्षा जास्त प्रवासासाठी ऑर्डिनरी क्लासमध्ये 1 पैसा प्रति किलोमीटर आणि मेल/एक्सप्रेसच्या नॉन-एसी व एसी क्लाससाठी 2 पैसे प्रति किलोमीटर भाडेवाढ लागू होणार आहे.

Continues below advertisement

भारतीय रेल्वेने केलेल्या या भाडेवाढीमुळे रेल्वेच्या तिजोरीत मोठी भर पडणार आहे. या बदलामुळे सुमारे 600 कोटी रुपयांहून अधिक कमाई होण्याची अपेक्षा रेल्वेने व्यक्त केली आहे.

एखादा प्रवासी 500 किलोमीटरचा प्रवास नॉन-एसी ट्रेनने करत असेल, तर त्याला सध्याच्या तिकीट दरापेक्षा 10 रुपये जास्त द्यावे लागतील.

भारतीय रेल्वेने तिकीट दरात केलेली ही या वर्षातील दुसरी वाढ आहे. यापूर्वी 1 जुलै रोजी रेल्वे भाडे वाढवण्यात आलं होतं.

एकीकडे मेल-एक्स्प्रेसच्या तिकिटांच्या दरात वाढ करण्याची घोषणा करण्यात आली. मात्र दुसरीकडे लोकल प्रवाशांना दिलासा मिळणार आहे.

उपनगरीय रेल्वे आणि मासिक सिझन तिकीट म्हणजेच एमएसटीचे दर वाढवण्यात आलेले नाहीत. त्यामुळं मुंबईकरांना मात्र दिलासा कायम आहे.