Multibagger Stock : 2 वर्षात 900 टक्के परतावा, 'या' शेअरमुळं गुंतवणूकदार मालामाल, स्टॉकमध्ये जोरदार तेजी सुरुच

Stock Market : विविआना पॉवर टेक कंपनीच्या स्टॉकनं गुंतवणूकदारांना गेल्या दोन वर्षात चांगला परतावा दिला आहे. या कंपनीला गुजरातमधील एक वर्क ऑर्डर मिळाली आहे.

मल्टीबॅगर स्टॉक

गुंतवणूकदारांना दमदार रिटर्न देणाऱ्या स्टॉकला मल्टीबॅगर स्टॉक म्हटलं जातं. विविआना पॉवर टेक कंपनीच्या स्टॉकनं गुंतवणूकदारांना गेल्या दोन वर्षात 900 टक्के रिटर्न देत मालामाल केलं आहे. 19 सप्टेंबर म्हणजे काल या स्टॉकमध्ये 5 टक्के तेजी पाहायला मिळाली. बीएसईवर हा स्टॉक 1458.85 रुपयांवर पोहोचला.

विविआना पॉवर टेकचा स्टॉक 2023 मध्ये 145 रुपये होता. 2023 पासून या स्टॉकनं गुंतवणूकदारांना 96 टक्के रिटर्न दिले आहेत.

2024 मध्ये या स्टॉकमध्ये 485 टक्के तेजी पाहायला मिळाली. चालू आर्थिक वर्षात गुंतवणूकदारांना 40 टक्के रिटर्न मिळाले आहेत.

विविआना पॉवर टेकच्या शेअरमधील तेजीचं कारणं त्यांना मध्य गुजरातमधील विज कंपनी लिमिटेडकडून मिळालेली 265 कोटी रुपयांची वर्क ऑर्डर असल्याचं मानलं जातंय. हे काम पुढच्या 16 महिन्यात पूर्ण करावं लागेल.

विविआना पॉवर टेकनं ऑगस्ट महिन्यात शेअर बाजाराला माहिती देताना म्हटलं की त्यांच्या 1 हजार कोटींपेक्षा अधिक किमतीच्या वर्क ऑर्डर आहेत. कंपनीचं बाजारमूल्य त्यावेळी 923 कोटी रुपये होते. कंपनीला गुजरात ट्रान्समिशन कॉर्पोरेशन लिमिटेडकडून 55.36 कोटी रुपयांचं काम मिळालं आहे. याशिवाय 59 कोटी रुपयांचं काम पंजाब स्टेट पॉवर कॉर्पोरेशनकडून मिळालं आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)