Mother's Day 2023: हा मदर्स डे बनवा खास! तुमच्या आईला भेट द्या आर्थिकदृष्ट्या भक्कम बनवणाऱ्या 'या' गोष्टी!

सहसा लोक मदर्स डे निमित्त आईला कपडे, स्मार्टफोन, दागिने किंवा एखादी वस्तू भेट देतात, परंतु जर तुम्हाला तुमच्या आईला आर्थिक सुरक्षा द्यायची असेल तर तुम्ही आम्ही नमूद केलेल्या आर्थिक भेटवस्तू देऊ शकता. या भेटवस्तूंबद्दल जाणून घेऊया.

आजच्या काळात सर्वांसाठी आरोग्य विमा असणे अत्यंत गरजेचे आहे. मदर्स डे निमित्त तुमच्या आईला आरोग्य विमा देऊन तुम्ही तिला आरोग्याशी संबंधित खर्चाच्या चिंतेतून मुक्त करू शकता.

जर तुमची आई ज्येष्ठ नागरिक म्हणजेच 60 वर्षांपेक्षा जास्त वयाची असेल तर तुम्ही त्यांचे खाते पोस्ट ऑफिसमध्ये किंवा वरिष्ठ नागरिक बचत योजनेअंतर्गत कोणत्याही बँकेत उघडू शकता. या योजनेअंतर्गत, गुंतवणूकदाराला जमा केलेल्या रकमेवर 8.2 टक्के व्याजदर मिळतो. यामध्ये एकूण 5 वर्षांसाठी 30 लाख रुपयांपर्यंतची रक्कम गुंतवली जाऊ शकते.

केंद्र सरकारने या वर्षापासून महिलांसाठी महिला सन्मान बचत प्रमाणपत्र ही विशेष योजना सुरू केली आहे. या योजनेअंतर्गत कोणत्याही वयाची महिला 2 लाख रुपयांपर्यंत गुंतवणूक करू शकते. दोन वर्षांसाठी ठेव रकमेवर 7.5 टक्के व्याजदर उपलब्ध आहे.

याशिवाय आजकाल सोन्यात गुंतवणूक करणे हा एक चांगला पर्याय बनला आहे. तुमच्या आईसाठी दागिने खरेदी करण्याऐवजी तुम्ही सार्वभौम गोल्ड बाँड्स (SGB) मध्ये गुंतवणूक करू शकता. SBG मध्ये गुंतवणूक करून तुम्हाला चांगला वार्षिक परतावा देखील मिळेल. यासोबतच सोने साठवण्याच्या त्रासातून मुक्तता मिळेल.

याशिवाय, तुम्ही तुमच्या आईसाठी आपत्कालीन निधीची व्यवस्था देखील करू शकता. हे पैसे तुम्ही कोणत्याही बँकेच्या FD स्कीममध्ये गुंतवू शकता.