मोठी बातमी, 4849 एकर आकारी पड जमीन शेतकऱ्यांना पुन्हा मिळणार, सरकारही फायद्यात, तिजोरीत पैसा येणार

Marathi News : राज्यातील 8849 एकर आकारी पड जमीन शेतकऱ्यांना मिळण्याचा मार्ग मोकळा झाला आहे. विधानसभेत याबाबतचं विधेयक मंजूर झालं आहे.

आकारी पड जमीन

महाराष्ट्राच्या जमीन महसूल संहिता 1966 च्या कलम 220 मध्ये सुधारणा करण्याचं विधानसभेत विधेयक मंजूर झाल्यानंतर आकारी पड जमीन परत करण्याचा मार्ग मोकळा झाला आहे.

शासकीय थकबाकीपोटी लिलाव होऊन सरकारकडे जमा झालेल्या आकारी पड जमिनी शेतकऱ्यांना परत दिल्या जाणार आहेत. कलम 220 नुसार शेतकऱ्यांच्या जमिनी तगाई, कर्ज, शेतसारा न भरल्यानं त्या जप्त होऊन आकारी पड होऊन जिल्हाधिकाऱ्यांकडे येतात.

या जमिनी शेतकऱ्यांना परत मिळवायच्या बाजार भावाच्या 25 टकके रक्कम वसूल करुन मूळ खातेदारांना किंवा त्यांच्या वारसदारांना ही जमीन परत करण्याची तरतूद करण्यात आली आहे.

शेतकऱ्यांना आकारी पड जमिनी परत मिळणार असून याचा फायदा छोट्या आणि अल्प भू धारक शेतकऱ्यांना देखील दिलासा मिळणर आहे.

कायदा दुरुस्ती विधेयक मंजूर झाल्यानं 1 हजार 93 प्रकरणे निकालात निघणार आहेत. राज्य सरकारनं या संदर्भातील निर्णय 2 जानेवारीच्या मंत्रिमंडळ बैठकीत घेतला होता.

प्रस्तावित विधेयक विधान परिषेदत मंजूर झाल्यानंतर राज्यपालांच्या मान्यतेनंतर त्याचं कायद्यात रुपातंर होईल. 4 हजार 849.71 एकर क्षेत्र आकारी पड जमिनी शेतकऱ्यांना परत मिळणार आहेत. चालू वर्षाच्या प्रचलित बाजारमूल्याच्या प्रस्तावित २५ टक्के रक्कम ऐवजी ५ टक्के रक्कम शासनास जमा करावी लागेल.