Kisan Credit Card : किसान क्रेडिट कार्डची कर्जमर्यादा 5 लाखांपर्यंत वाढवली, 4 टक्क्यांनी वित्तपुरवठा, KCC साठी कोणती कागदपत्रं आवश्यक?

Kisan Credit Card : किसान क्रेडिट कार्डची कर्जमर्यादा 3 लाखांवरुन 5 लाख रुपयांपर्यंत वाढवण्यात आली आहे. वर्षभरात कर्ज परतफेड केल्यास व्याजात 3 टक्के सूट मिळाली.

किसान क्रेडिट कार्ड

केंद्रीय अर्थमंत्री निर्मला सीतारामन यांनी केंद्रीय अर्थसंकल्प सादर करताना किसान क्रेडिट कार्डवरुन केला जाणारा वित्तपुरवठा 3 लाखांवरुन 5 लाख रुपये करण्याची घोषणा केली.

किसान क्रेडिट कार्डची सुरुवात 1998 मध्ये झाली. आर. वी. गुप्ता समितीच्या शिफारशीवरुन नाबार्डकडून याची सुरुवात करण्यात आली. तेव्हापासून आतापर्यंत वेळोवेळी आढावा घेण्यात आला.

किसान क्रेडिट कार्डद्वारे शेतकऱ्यांना अल्पकालीन कर्ज आर्थिक गरजा पूर्ण करण्यासाठी दिलं जातं. पीकांच्या काढणीनंतरच्या खर्चासाठी, शेत मालाच्या मार्केटिंगसाठी देखील किसान क्रेडिट कार्डद्वारे वित्त पुरवठा केला जातो.

किसान क्रेडिट कार्ड शेतकरी, भाडेतत्त्वावर शेती करणारे शेतकरी किंवा शेतकऱ्यांच्या गटाला दिलं जातं. किसान क्रेडिट कार्ड मिळवण्यासाठी शेतकऱ्याकडे ओळखपत्र, सातबारा, आठ अ उतारा, मतदान कार्ड, पॅन कार्ड, वाहन चालवण्याचा परवाना आवश्यक असतो. प्रधानमंत्री जीवन ज्योती विमा योजना आणि प्रधानमंत्री सुरक्षा विमा योजनेचं सभासद व्हावं लागतं.

किसान क्रेडिट कार्डवर 1 लाखांपर्यंतचं कर्ज बिनव्याजी मिळतं. 1 लाख 60 हजार रुपयांपर्यंतच्या कर्जासाठी तारण द्यावं लागत नाही. तर, तीन लाख ते पाच लाखांपर्यंतच्या कर्जासाठी तारण द्यावं लागेल. याशिवाय किसान क्रेडिट कार्डवर उपलब्ध होणारं कर्ज 7 टक्क्यांनी मिळतं. वर्षभरात ते परतफेड केल्यास 3 टक्के सूट मिळून 4 टक्यांनी कर्जाचा लाभ घेतला जाऊ शकतो.