IPO Update:चामुंडा इलेक्ट्रिकल्स लिमिटेडचा आयपीओ बोली लावण्यासाठी खुला होणार, किंमतपट्टा फक्त 50 रुपये, GMP कितीवर?
चामुंडा इलेक्ट्रिकल्स लिमिटेडचा आयपीओ सबस्क्रिप्शनसाठी 4 फेब्रुवारीपासून 6 फेब्रुवारीपर्यंत खुला राहील. या आयपीओचा किंमतपट्टा 47 रुपये ते 50 रुपयांपर्यंत निश्चित करण्यात आला.
Download ABP Live App and Watch All Latest Videos
View In App
चामुंडा इलेक्ट्रिकल्सच्या एका लॉटमध्ये 3000 शेअर्स आहेत. या कंपनीची स्थापना जून 2013 मध्ये झाली असून 1.5 मेगावॅट सौर ऊर्जा निर्मिती करते. याशिवाय 66 केव्ही सबस्टेशनचं व्यवस्थापन, 220 केवी सबस्टेशनच्या टेस्टिंग आणि कमिशनिंगवर लक्ष केंद्रीत करते.
चामुंडा इलेक्ट्रिकल्सकडे 600 हून अधिक अभियंते, सुपरवायजर आणि अतिरिक्त सहायक कर्मचारी आहेत. आयपीओच्या माध्यमातून कंपनी 14.60 कोटी रुपयांची उभारणी करणार आहे. यामध्ये 29 लाख 19 हजार इक्विटी शेअर नव्यानं जारी केले जाणार आहेत.
आयपीओचे बुक रनिंग लीड मॅनेजर्स म्हणून जीवायआर कॅपिटल अ‍ॅडव्हायजर्स प्रायव्हेट लिमिटेड हे काम पाहतील. तर, रजिस्ट्रार म्हणून कॅफिन टेक्नोलॉजीज लिमिटेडचा समावेश आहे.
इन्वेस्टर गेन डॉट कॉम नुसार चामुंडा इलेक्ट्रिकल्सच्या आयपीओचा जीएमपी 11 रुपयांवर पोहोचला आहे. म्हणजेच 22 टक्क्यांहून अधिक आहे. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)